Mark 15:34 - NQAARIIT NE ROOG

³⁴ Na waxtu a kirandax Yeesu a wuuqa fo o ñuxur o jegu doole yee: «Eloyi, Eloyi, lema sabaxtaani?» Ten tektu: «Roog es, Roog es, xar taxu o xaƴaam?»

Mark 15:34 Referans Kwoze

A kim a tedu ke 22:1

O yaal a ƭat ale no jeejeek we a xoolne yee a kim alene kaa saq o jangooƭ na kim ale ne’eena «O gaay ole no mbuyukuun ne». A kim a tedu laa fogna na ke Dawid oo.

Mace 27:46

Farna fa waxtu a kirandax, Yeesu a wuuqa fo o ñuxur o jegu doole yee: «Eeli, Eeli, lema sabaxtaani?» Ten tektu: «Roog es, Roog es, xar taxu o xaƴaam?»

Hebre 5:7

Kam o ñoow um na adna fee, Kiristaa kaa xeɗoogu a Roog fee waag’uuna o mucil na fa nqon, a yoonandtin xa iin fo xa kooniit. Roog a jaɓa a qeƭ um, yaam ne ta ɓoxotoox’ina no ten.

A kim a tedu ke 27:9

Ba o ɗasnaam mukit of mbaat o raxtaam fuux of, mi fee o tag of. Wo refu ƈufig es, ba o deɓaam mbaat o waasaam, wo Roog fee o Muumucil es.

A kim a tedu ke 71:11

Kaa layaa yee: «Roog a xaƴaan, fat i ndaabin, naangin nuus, too o leng suqitkiran na xa ƥay in.»

Dañel 9:21

Na waxtu fee sadax kirand a ɓoxoteel, a soƥ um maad o xeɗaa, Gaburi’el fee nandtoogna o koor, too um ga’’un no mbeeñil ne adooxna, a ñofa yetiid boo paam es.

Esayi 41:17

«Rool we fo toroxu we owe mbaaƭaa foofi, ndaa nga’ee o ndoq. Ɗelem den kaa weerat koroŋ yaam a koɗom, ndaa mi o Yaal oxe, xam jaaɓ a den, mi Roog fee Isra’el, waaskiim a den.

A kim a tedu ke 42:9

O Yaal oxe kaa lalaxam o mbeq um no ñaal ne, soo um gen no xaanan no yeng ole, xeɗaa a Roog fee saqna o ñis es.

A pi ake 10:3

Bes, farna fo waxtu kirandax, a ga’a a qool qac malaaka Roog faa garna me ten, a layin ee: «Korney!»

YEGIL MBAAX NE YEESU ne Lik a bindtuuna 23:46

Yeesu a dakooxa wuuq a maak, soo a lay ee: «Faap, mexe ɓoxotaa o laaw es na xa ƥay of.» Yaa ta layna kaaga, a saaya.

YEGIL MBAAX NE YEESU ne Lik a bindtuuna 23:44

No kaa xotitna na waxtu njeeƈ ndeer xoox boo na waxtu a kirandax, a jeg’a o niɓaan took lanq ke fop.

A ƭomatax ake 5:20

Xar na taxkaa o weec a in boo faw, waas a in pelek?

A ƭomatax ake 1:12

«Nuun um laytaa, nuun fop we na njoonaa mene! Ƭeetyo too ngoroox a paax! Ndax a jega o ƭomel olaa nandna fo ole mi, fodna fo ole fadeema? O Yaal oxe a fi’axam ƭomu a koom alaa fo fuux ɗomu le ten.

Mace 27:45

No kaa xotitna na waxtu njeeƈ ndeer xoox boo na waxtu a kirandax, a jeg’a o niɓaan took lanq ke fop.

Mark 15:25

Na waxtu njeeƈ-tanqin a reeƭu, yaa da ndengan na kurwaa.

Mark 15:35

Yaa leng-leng no waa ndeeƭna maaga a nanuuna, a laya yee: «Nanyo, oxe xoyaa a Eliya.»