Mark 15:19 - NQAARIIT NE ROOG

¹⁹ A mbadtoogaan o kangafaan no xoox, a nduxdaa took um, too a ngooknooxooga mbaambir um nen kaa mbaɗooxan.

Mark 15:19 Referans Kwoze

Mark 14:65

Leng-leng a ndalfooxa o nduxdaa took um. A ngumaan o mbuul-ee-mbuul, soo a mbadan tiq, too a layaa yee: «Gapi oxe fadoonga!» Yeeyetax waa a cukatiraan fo paƭ itam.

Hebre 13:13

Fat i njagin farna fo ten boog, ndet kaltaa saŋe ne, ndax i ndoxondoox toroxand leng kut ke ndaaw’uuna.

Filip 2:10

ndax no gon Yeesu fop a ngooknoox, ta ref na asamaan mbaat took lanq ke mbaat ɗuga lanq ke,

O leetar ole Pool a bindna GIMU WE NGENNA ROM 11:4

Kaa koy, xar Roog a doonun? Kaa tee: «Geekanaam a xoox es wiin cuni ɓetuu ƭik waa ngooknooxeerna mbaambir Baal.»

YEGIL MBAAX NE YEESU ne Lik a bindtuuna 23:36

Xiixire we itam a nqaadnooxoogaan. A matiidaan, a luuxnin bineegar.

YEGIL MBAAX NE YEESU ne Lik a bindtuuna 23:11

Herood fo xiixire we ten kaa njeeroogu a Yeesu, a nqaadnooxan, a ndokanin ndoki mosu, soo a nomtin maa Pilaat.

YEGIL MBAAX NE YEESU ne Lik a bindtuuna 22:63

Goor waa yetooxoogna a Yeesu a nqaadnooxoogaan, soo a mbadan.

Mark 10:34

Xan a nqaadnooxin, a nduxdin, a nqawin xa cap, soo a mbarin, ndaa cinj ñaal tadik xan a xontoox.»

Mark 9:12

A doona a den ee: «Ndigil oo de, Eliya a wara o eet o gar, ndax ta jagandatin fop. Yaaga boog, xar taxu a Pind a Tedu ke a lay ee o Ƥeenqe no kiin oxe xan a coono mayu, soo a ñagadilel?

Mise 5:1

O Yaal oxe kaa tee: «Wo Betleheem fee Efrata, wo fee moƴna o neew na qaw ake Yudaa, na wo um sutitkaa oxe na maadooxankaa a Isra’el! Oxe faqaqoora no camaane kaa yaaga, too o leng andee mberaandoong um.»

Esayi 52:14

Ne jaaku a ndiidit’ina ye da nga’uuna, - yaam ne ta gaañ’eena boo saq’atee o nand no kiin, too o mem um nand’atee fo o mem no ƥiy Aadama, -

Esayi 50:6

Kaam dekan’u ndiiñ es we mbadoogaxama, we mbofoogna o raatam es, um letin a den xa ƭek es, too a tuxid ake fo a ben ake tax’ee um sing mukit es.

Esayi 49:7

Keeke o Yaal oxe refna o baawat oxe fo o Tedu xe Isra’el a layu oxe o ñoow um a sibeena, too wiin we a sibdin, a ref o paɗ no yaal toole ke: «Xan maad we a nga’in too xan a inoox, xan gelwaar we a ngung mbaambir um, yaa da ƈookkan. Neene, xan a lalit ee a niwa o Yaal oxe gore’na, a ref o Tedu xe Isra’el jiloonga.»

Esayi 45:23

Daaɓoortaanum a xoox es, too fa lay es ndigil kak oo, dara teen suptooxkee: ‹Xan wiin we fop a ngooknoox mbaambir es, o don oluu refna a weejil ee

A kim a tedu ke 69:12

Kaam deroox o saaku, soo da mbi’in a kim.

Ke bindeena no xe ne’eena YOB 13:9

Ndax xan a mal a nuun, yaa ta ɗeetlooxkaa a nuun, ndi kaa nu naxitkan ne o kiin a naxteel?

1 Maad we 19:18

Kaa koy, xam xaƴ kam Isra’el wiin cuni ɓetuu ƭik, fop we ngooknooxeerna mbaambir Baal, too mosee o mboon nitaal um.»

Mberaand 43:28

A ndoonaan ee: «Faap in fee o tag of jam soom a jegu kañ. Oxaay jon maa ta refna.» A ngooknooxahina, a ngung a lanq.

Mberaand 24:52

Ye o tag oxe Abraham a nanna kaaga, a gunga a lanq mbaambir no Yaal oxe.

Mace 27:30

A nduxdooga took um, soo a njang o kangafaan ole da coox’uuna, a mbadan o ten no xoox.

Mark 15:18

Cinj kaaga, a ndefa no simnan ee: «Daali maad no Yaawuur we, walid!»

Mark 15:20

Yaa da nqaadnooxuuna boo a ƈut, a mbola lori yaxgu coy naa, soo a ndaknin tikoorik um. Cinj kaaga, a ƥisaan tafil, ndax da ndengin na kurwaa.