Mark 14:69 - NQAARIIT NE ROOG

⁶⁹ Kaa koy, o mbindaand onqaa a ga’aan, soo a dakoox o lay waa ndeeƭna maaga yee: «Oxeeke, na den a fogu.»

Mark 14:69 Referans Kwoze

Galati 6:1

Fog we, nuun we andoona yee kaa Yiif le Roog a ref na nuun, a soƥangaa yee nu mbeta o kiin ta fi’aa kaa jageerna, fat nu lalin a ƭat yoonandtin o ɓuuɓ. Kaa koy, fat nu mbootoox a paax, yaam nuun oo nu mbaaga yenkaa na bakaad.

YEGIL MBAAX NE YEESU ne Saŋ a bindtuuna 18:25

Simoŋ Piyeer o mat oxe raƭooxaa rek. O leng no we ndeeƭna fo ten a layaan ee: «Kaa fogiro no daalbe we no qoye?» A xaña, a lay ee: «Fogiim na den.»

YEGIL MBAAX NE YEESU ne Saŋ a bindtuuna 18:17

Ye ta joonaa, o tag oxe a layaan ee: «Wo itam o taalbe no qoye refo.» Piyeer a doonaan ee: «Refinum de.»

YEGIL MBAAX NE YEESU ne Lik a bindtuuna 22:58

Yaa ta ɓaatinna, o lakas a ga’aan, a lay ee: «No we ndeefanooguuna fogo.» Maaga, Piyeer a laya yee: «Koor oxe, fogiim na den de.»

Mark 14:38

Yetooxyo, too nqeɗ, ndax nu yenkee no mbog. Yiif le a jagandooxa, ndaa cer ke kaa ngees.»

Mark 14:68

Kaa koy, a xaña, too a lay ee: «Naniim, too andiim ke o ne’aa.» Cinj kaaga, a xota farna fo a carind alaa, [too a siik a laya].

Mark 14:70

A ɓaata o xañatiloox. Ɓaatnee dara, waa ndeeƭna maaga a layahina a Piyeer ee: «Ga’na rek na den fogo, yaam wo itam, o Kaagalile refo.»