Mark 14:65 - NQAARIIT NE ROOG

⁶⁵ Leng-leng a ndalfooxa o nduxdaa took um. A ngumaan o mbuul-ee-mbuul, soo a mbadan tiq, too a layaa yee: «Gapi oxe fadoonga!» Yeeyetax waa a cukatiraan fo paƭ itam.

Mark 14:65 Referans Kwoze

A pi ake 23:2

Anañaas fee reeƭna o saasadax o maak oxaa a hebla waa ngeenoox’ina paam Pool da keɓe’in.

YEGIL MBAAX NE YEESU ne Saŋ a bindtuuna 19:3

a ngaraa boo paam um a layaa yee: «Daali maad no Yaawuur we, walid!» Naaga, kaa muqoogun paƭ.

Esayi 50:6

Kaam dekan’u ndiiñ es we mbadoogaxama, we mbofoogna o raatam es, um letin a den xa ƭek es, too a tuxid ake fo a ben ake tax’ee um sing mukit es.

YEGIL MBAAX NE YEESU ne Saŋ a bindtuuna 18:22

Took a ƭelem akaaga, o leng no alkaati kaa reeƭna maaga a ranjaan mbaƭ, a layin ee: «Neene o doonitkaa o saasadax o maak oxe?»

Mark 15:19

A mbadtoogaan o kangafaan no xoox, a nduxdaa took um, too a ngooknooxooga mbaambir um nen kaa mbaɗooxan.

Esayi 53:3

A sibe, too wiin we a mbañin, o koor coono too a and jir, a nand fo xe wiin we a mbañaa o nga. I nqeefaan, too a ƭat in yongee no ten.

Esayi 52:14

Ne jaaku a ndiidit’ina ye da nga’uuna, - yaam ne ta gaañ’eena boo saq’atee o nand no kiin, too o mem um nand’atee fo o mem no ƥiy Aadama, -

Ke bindeena no xe ne’eena YOB 30:10

Kaam wat a den xus, da ƈufaxam, too a nduxdaam na mukit ɗomee den.

Esteer 7:8

O maad oxe a inoora no yongand naa, a nomtooxiid na ndok ale da ñaamtoogna, a jopir Haamaan a fooxooxaa no njong ñaamtel ne lingeer Esteer a wondoox’ina. O ten o maad oxe a dalfooxa o falaloox ee: «Ee! Ke fi’oona deyirang, o gignaa a lingeer fee na kid es kam mbind es!» Yaa o maad oxe a tiimaa tiim rek, dag we ten a muura a tagid ale Haamaan.

A lim ale 12:14

O Yaal oxe a laya a Moyiis ee: «A soƥangaa yee faap um kaa duxid’un na mukit, ndax refkoogee na gaci boo ñaal ɓetuu ƭik? Yaaga boog, fat a wegel tafil saŋe ne boo ñaal ɓetuu ƭik, soo a sogkateel o jaɓ kam fee.»

Hebre 12:2

Fat a kid in a ngaan na Yeesu fee geeninna o ngim in no kaa xotitna no mberaandoong naa boo no muukandoong naa. A softa o ɗaay ole ta geekan’eena fa nqon took a kurwaa, too ɗeetee gaci fee refna teen. Ndiiki koy, oxaa moofa na ñamaak gamb no maad le Roog.

Mark 10:34

Xan a nqaadnooxin, a nduxdin, a nqawin xa cap, soo a mbarin, ndaa cinj ñaal tadik xan a xontoox.»

Mise 5:1

O Yaal oxe kaa tee: «Wo Betleheem fee Efrata, wo fee moƴna o neew na qaw ake Yudaa, na wo um sutitkaa oxe na maadooxankaa a Isra’el! Oxe faqaqoora no camaane kaa yaaga, too o leng andee mberaandoong um.»

2 Caloori ke 18:23

Ndak fo ndak, Sedekiya fee o ƥiy Kenaana a matiida a Mikaya, a faɗin soo a layin ee: «Nam Yiif le no Yaal oxe a sutoortu na mi soo a gar a lay fa wo?»

Mace 27:30

A nduxdooga took um, soo a njang o kangafaan ole da coox’uuna, a mbadan o ten no xoox.