Mark 14:61 - NQAARIIT NE ROOG

⁶¹ Yeesu kaa tiimoogu, too doon’iran dara. O saasadax o maak oxaa a dakooxaan o laamit ee: «Ndax wo refu Kiristaa fee o Muumucil oxe regteena, o Ƥeenqe no xe i simataa?»

Mark 14:61 Referans Kwoze

Mark 15:2

Pilaat a laamtaan ee: «Wo refu o maad oxe no Yaawuur we?» Yeesu a doonaan ee: «Wo ne’un!»

Esayi 53:7

A ñagadil’e, a jaɓin too yaƥatee tus. Kaa nand’u nen o mbaal onqaa na ɓiseel no warand, nen mbaal naa muumna mbaambir we na nduusan, too yaƥatee o don um sax.

YEGIL MBAAX NE YEESU ne Saŋ a bindtuuna 19:7

Naaga Yaawuur we a ndoonaan ee: «I njega kebil, too ne kebil neene a laytuuna, a wara o xon, yaam kaa fi’ooxaa o Ƥiy Roog.»

1 Piyeer 2:23

Mbanuu ta wen’eena, rabdinooxoogee fo wen. Ŋalee o leng itam, ye ta coono’na, ndaa kaa ɓoxotoox na Roog fee na hate’taa o cofel.

YEGIL MBAAX NE YEESU ne Saŋ a bindtuuna 10:36

yaaga oxe Roog a kesna, a luliidin na adna fee a layangaa yee: O Ƥiy Roog refum, nu mbariran o lay ee: Wenaa a Roog.

YEGIL MBAAX NE YEESU ne Saŋ a bindtuuna 1:34

Ga’aam, too seede’anaanum ee o ten refu o Ƥeenqe Roog.»

Mace 16:16

Maaga, Simoŋ Piyeer a doonaan ee: «Wo refu Kiristaa fee o Muumucil oxe regteena refna o Ƥeenqe Roog fa ñoow jok fee.»

Mace 8:29

A laya a maak ee: «Wo fee refna o Ƥeenqe Roog, xar bugo fi a in? Ndax kaa o xijliid a in boo waxtu fee a helko fo fadaa?»

Mace 3:17

O ñuxur a nannoorta na asamaan ee: «Oxene refu o Ƥees onqe fexuuma fex, no ten felakinoortum.»

A kim a tedu ke 119:12

O Yaal oxe, helaa o simatel! Aqatinaam ke dalnoona.

A kim a tedu ke 39:9

Wataam no pakaad es fop, too ba o xaƴ yoqit ke a njalaxam.

A kim a tedu ke 2:7

Kaam lambnaa ke o Yaal oxe a dalinna. A layaxam ee: «Wo refu o ƥees, xaye mi rimong.

1 Timote 6:15

Yaa hap fee a fadna rek, Roog a ɓisiidkan. Roog feene refu o leng kut oxe jegna katil, a hel o simatel, a ref o Maad oxe no maad we fo o Yaal oxe no yaal we.

1 Timote 1:11

A cangin aleene koy, kaa inoor no Yegil mbaax ne doxneema, too ta feeñlaa o ndam onqe Roog fee helna simatel.

A pi ake 8:32

Keeke refu fa lay fee na Pind a Tedu ke ta jangoogna: «Kaa nand fo mbaal naa na ɓiseel no warand, nen o mbaal onqaa muumna mbaambir no xe na ruusan, too yaƥatee o don um sax.

YEGIL MBAAX NE YEESU ne Saŋ a bindtuuna 19:9

A roka no xeloorand olaa, a lay a Yeesu yee: «Mam inooro?» Yeesu o mat, dooniran dara.

YEGIL MBAAX NE YEESU ne Saŋ a bindtuuna 18:37

Pilaat a layaan ee: «O maad refo boog?» Yeesu a doona yee: «Ne’aano boo ƴut, o maad refum tigi. Kaam rimel, gar na adna fee, ndax um seede’anaa ndigil ne. Oxuu fogna no ndigil ne kaa nan-gilooxaa o ñuxur es.»

YEGIL MBAAX NE YEESU ne Saŋ a bindtuuna 10:24

Aa-adax we no Yaawuur we a ngara, a ndeerin, soo a layin ee: «Ndi boo a mban o bugko jaageejnooraa a in? A soƥangaa kañ ee wo refu Kiristaa fee, o Muumucil oxe regteena, layeen a in a qool qac!»

Mark 14:60

Maaga, o saasadax o maak oxaa a inooxa a ndeer mbokatax naa, soo a laamit a Yeesu yee: «Ndax kaa doonkiro dara no ke wiin wene a njambang?»