Mark 14:48 - NQAARIIT NE ROOG

⁴⁸ Yeesu a laya a den ee: «Kaa nu ngaraa, mbi nen waa na mbelaa o kuuɗ, saq laƥ fo xa ƭong ndax nu ndamaam.

Mark 14:48 Referans Kwoze

1 Sami’el 26:18

A ɓaata teen ee: «Daali maad, xar taxu o daabaxam, mi fee o tag of? Xar fi’oong, ndi paaxeer kum yuuɓanoong?

Mace 26:55

Na waxtu faaga, Yeesu a laya faan laa yee: «Kaa nu ngaraa, mbi nen waa na mbelaa o kuuɗ, saq laƥ fo xa ƭong ndax nu ndamaam. Yaag oo toox de, bes fuu refna a ndeer nuun moofoogum, jangnaa kam Mbind Roog ne, too nu ndam’iraam.

Mace 26:47

Yaa Yeesu a maadna o layaa, Yudaa fee reeƭna o leng no xarɓaxay fo ɗik waa a fadiida, a yoon fo faan maak laa saqna laƥ fo xa ƭong. Saasadax maak we fo maak we na xeet fee ngebil’u a den.

Mark 14:47

O leng no we ndeeƭna maaga a woosa laƥ um, a facin o tag oxe no saasadax o maak oxaa boo nof naa a ɗeg.

Mark 14:49

Yaag oo toox de, bes fuu refna, a ndeer nuun refoogum, jangnaa kam Mbind Roog ne, too nu ndamiraam. Kaa koy, fat a Pind a Tedu ke a mbadnoox.»