Mark 14:35 - NQAARIIT NE ROOG

³⁵ Yaa ta retna boo a goƭ o ndik, a gooknooxa a lanq, too a xeɗ a Roog ndax waxtu feeke a riƈatooxin, a waagangaa o jeg.

Mark 14:35 Referans Kwoze

Mark 14:41

Yaa ta nomtooxiidna jaf dadkandeer le, a laya a den ee: «Kaa nu maad o ƭaanaa, ñootnooxaa? Ndiiki koy, a deya! Waxtu fee a fadiida. Nga’yo, o Ƥeenqe no kiin oxe xan a ɓoxotel ndeer xa ƥay axe no baabakaad we.

Mbeeñil 5:14

Cinj kaaga, pindel nahik ke a ndoona yee: «Amiini!» Maak we o mat a ngooknoox, a mbaɗooxaa.

Hebre 5:7

Kam o ñoow um na adna fee, Kiristaa kaa xeɗoogu a Roog fee waag’uuna o mucil na fa nqon, a yoonandtin xa iin fo xa kooniit. Roog a jaɓa a qeƭ um, yaam ne ta ɓoxotoox’ina no ten.

Mace 26:39

Yaa ta retna boo a goƭ o ndik, a gooknooxa, a gung, too a xeɗa a Roog ee: «Faap, a waagangaa jeg, fat o kaas coono lene a riƈatoox boo yerkinum. Kaa koy, baa jegit ne bugtanuuma, ndaa ne bugtanoona.»

2 Caloori ke 7:3

Ye Ii-isra’el we fop a nga’na fiɗel le fo o ndam onqe no Yaal oxe a mbudooxiidaa no Mbind naa, a ndalfooxa o ngooknoox, a ngung a lanq, a ngidmaa o Yaal oxe yee: «Yaam kaa faax, too o mbeq um xan a maadaa boo faw.»

A cangatin ale 9:18

«Cinj kaaga, deɓooxaam a lanq mbaambir no Yaal oxe soo yoqahin maaga boo ñaal qarɓeen nahik fo xa yeng den kaa ñaameeruuma, yeriim. Fi’aam keene yaam bakaad fee nu mbi’’ina. Kaa nu mbi’’u kaa faaxeerna na kid no Yaal oxe, mbuuxnoorin tigi.

Mberaand 17:3

Abram a dalfooxa o gung a lanq, soo Roog a layin ee:

Mbeeñil 4:10

maak qarɓeen ƭik fo maak nahuk we a ndalfooxooga o ngooknoox mbaambir no xe moof’ina took gamb no maad le, a mbaɗooxaa oxe na ñoowaa bo na moos boo moos, a mbolaa fo ndip ne den mbaambir gamb no maad le, soo a layaa yee:

Mace 26:45

Cinj kaaga, a gara me no daalbe we, a lay a den ee: «Kaa nu maad o ƭaanaa, ñootnooxaa? Waxtu fee a fadiida. Nga’yo, o Ƥeenqe no kiin oxe xan a ɓoxotel ndeer xa ƥay axe no baabakaad we.

YEGIL MBAAX NE YEESU ne Lik a bindtuuna 22:41

Maaga, a reta koƭu ngap maa ɗak laa deɓeena a waagna o day, a gooknoox, a xeɗ a Roog,

YEGIL MBAAX NE YEESU ne Saŋ a bindtuuna 12:23

Yeesu a laya a den ee: «Waxtu fee o Ƥeenqe no kiin oxe a wareena o ɓoxot o ndam a fadiida.