Mark 14:26 - NQAARIIT NE ROOG

²⁶ Cinj kaaga, a ngima a kim a tedu boo a ƈut, soo a ndet no Joong olaa no taxar oliiw kaa.

Mark 14:26 Referans Kwoze

Mace 26:30

Cinj kaaga, a ngima a kim a tedu boo a ƈut, soo a ndet no Joong olaa no taxar oliiw kaa.

YEGIL MBAAX NE YEESU ne Lik a bindtuuna 22:39

Yeesu a sutooxa, soo a ret farna fo Joong olaa no taxar oliiw kaa, maa ta mer’ina o retaa. Maaga, daalbe we ten a ndeefanaan.

Mbeeñil 5:9

Maaga, a ngimooga a kim a qas alene: «O xot a kayit ale soo ñaƥit xa ñaas axe jombirang, yaam kaa o war’el. Na pexey fo’oy of watanaa a Roog wiin inooru no tim oluu refna, na lak fuu refna fo no saax luu refna fo na xeet fuu refna.

Saak 5:13

O leng na nuun a refangaa na coono, fat a ƴufginoox a Roog. O leng na nuun a felakinooxangaa itam, fat a xaanan a Roog.

Kolos 3:16

Fat fa lay Kiristaa a gen na nuun, a may muut. Naangyo o njangniraa, maƭooraa no and fo na kim a tedu fo na kim a inooru no Yiif le Roog, nqaananaa a Roog, simatan fo a qeeñ nuun yaam yirmande um fa nuun.

1 Korint 14:15

Yaaga koy, xar na fi’keel? Xeɗaa fo yiif, xeɗtaa o and, gimaa fo yiif, gimtaa o and.

A pi ake 16:25

No yeng o njeek, Pool fa Silaas a nqeɗooga a Roog, a ngimaa a kim a simatir, too lakas waa ndam’eena kaso a nan-gilooxooga a den.

Mace 21:1

Yaa da mbadiidna Betfage paam Yeerusaleem, farna fo o Joong olaa no taxar oliiw kaa, Yeesu a lula daalbe ɗik,

Mark 14:25

No ndigil, mexe layaa a nuun ee: Yerkatiim kaa inoorna no ndaxar biiñ a refangeerna na bes faa um dakooxkaa o yer fa nuun biiñ fa nqas faa refna kam Maat naa Roog.»

YEGIL MBAAX NE YEESU ne Saŋ a bindtuuna 18:1

Yaa Yeesu a layna neene boo a ƴut, a inooxa fo daalbe um, a njoot a Ƈufnand alaa Kederon, soo a ndok na ƭing alaa reeƭna maaga.