Mark 14:24 - NQAARIIT NE ROOG

²⁴ Yeesu a laya a den ee: «Kene refu fo’oy es no ngiɓoor ne ɓaxeena yaam mayu.

Mark 14:24 Referans Kwoze

A sutax ale 24:8

Maaga, Moyiis a janga yoq ke no fo’oy le, a wiisin Ii-isra’el we soo a lay ee: «Kene refu fo’oy le no ngiɓoor ne o Yaal oxe a dalinna fa nuun, ye ta cooxna a nuun kebil keeke fop.»

Sakari 9:11

O Yaal oxe kaa tee: «A koom, xam ɗeet no ngiɓoor ne i ndalnitna fo’oy, sut we ndefna faɗ na nuun no gamb jegee foofi le da ƥek’eena.

1 Korint 11:25

Yaa da nju’ooxna boo a ƈut, a janga o kaas biiñ itam, soo a lay ee: «O kaas biiñ oleeke refu ngiɓoor nqas ne sinjeena took fo’oy le mi. A mbanuu nu yeruuna, fat nu mbetandooraxam o ten.

1 Korint 10:16

O kaas ole i mbarke’aa, ndax kaa naagee o fokataa a in fo fo’oy le Kiristaa? Kaam ee: Ndax mbuuru ne i nqustaa naagee o fokataa a in fo cer ke Kiristaa?

YEGIL MBAAX NE YEESU ne Saŋ a bindtuuna 6:53

Yeesu a laya a den ee: «No ndigil, no ndigil, mexe layaa a nuun ee: Nu ñaamangee cer no Ƥeenqe no kiin oxe, yer fo’oy um, nu saqee o ñoow na nuun.

Mark 10:45

Yaam o Ƥeenqe no kiin oxe kaa gar, refee yee ndax ta dagooxel, ndaa ndax ta dagoox, soo a cooxit o ñis um nen a su’nit no wiin mayu.»

Yeremi 31:31

O Yaal oxe kaa tee: «Ñaal key a ngaraa, kaa um dalnatinkaa ngiɓoor nqas fa xeet fee Isra’el, dalnatinin fa fee Yudaa.

Mark 14:23

A janga o kaas biiñ itam, a gidim a Roog, a cooxin a den, soo da yer taaga den fop.

Mark 14:25

No ndigil, mexe layaa a nuun ee: Yerkatiim kaa inoorna no ndaxar biiñ a refangeerna na bes faa um dakooxkaa o yer fa nuun biiñ fa nqas faa refna kam Maat naa Roog.»

YEGIL MBAAX NE YEESU ne Lik a bindtuuna 22:20

Yaa da nju’ooxna boo a ƈut, a janga o kaas biiñ itam, soo a lay ee: «O kaas biiñ oleeke refu ngiɓoor nqas ne sinjeena took fo’oy le mi ɓaxeena yaam nuun.