Mark 14:22 - NQAARIIT NE ROOG

²² Yaa da ñaamaa, Yeesu a janga mbuuru, a barke’in, a xustin, a cooxin a den, soo a lay a den ee: «Njangyo teen! Kene refu cer es.»

Mark 14:22 Referans Kwoze

Mark 14:24

Yeesu a laya a den ee: «Kene refu fo’oy es no ngiɓoor ne ɓaxeena yaam mayu.

YEGIL MBAAX NE YEESU ne Lik a bindtuuna 24:30

Yaa ta reerna fa den a ñaamaa, a janga mbuuru, too a cinj ye ta gidimna a Roog, a xustaan, a cooxin a den.

YEGIL MBAAX NE YEESU ne Saŋ a bindtuuna 6:23

No feet olaa, yaa suk lakas a inoortiidna Tiberiya, a ngar boo paam maa da ñaamit’ina puuru kaa ye o Yaal oxe a xeɗna boo a ƴut,

Mark 6:41

Yeesu a janga puuru ƥetik kaa fo liƥ ƭik kaa, a daxaaƴoox na asamaan, a gidim a Roog. Yaa ta xeɗna boo a ƴut, a xusta puuru kaa, a cooxin daalbe we, ndax da lasin wiin waa. A xaajranda a den liƥ ƭik ke itam.

Mace 14:19

Yeesu a hebla wiin waa fop da moof no suuƴin le. A janga puuru ƥetik kaa fo liƥ ƭik kaa, a daxaaƴoox na asamaan, a gidim a Roog. Yaa ta xeɗna boo a ƴut, a xusta puuru kaa, a cooxin daalbe waa, ndax da lasin wiin waa.

Sakari 5:7

Ɓaatnee dara o afnir beteex ole afnit’eena a cenjel ale a aptoox, soo um ga o tew oxaa moof’ina kam fee.

Mberaand 41:26

Naak ɓetuu ƭik kiñu ke, xa kiid ɓetaa ƭaq oo, xa yaƥ ɓetaa ƭaq xa mosu xe, a ndef xa kiid ɓetaa ƭaq. O ƭaaɗ o leng kut ole yoo rek.

Galati 4:25

O Joong olaa Sinayi no saax laa Arabi refu Agaar. A nanda fa Yeerusaleem fee ndiiki refna no mbaƭ, ten fo xa ƥeem.

1 Korint 10:4

a yer kaa refna a yer-yiif, yaam ɓil laa da yertoogna foofi laa, ɓil-yiif a reeƭu, too kaa reefanoogu a den muu refna. Ɓil laaga koy, Kiristaa a reeƭu.

Mark 10:16

Cinj kaaga, a ɓopa a den, a doon oxuu refna xa ƥay, soo a barke a den.

Mark 14:21

O Ƥeenqe no kiin oxe xan a xon, ne a Pind a Tedu ke a laytuuna no ten. Kaa koy, ndaw sabab took no xe na ɓoxotkaa o Ƥeenqe no kiin oxe. Ñak’el o rim sax moƴ’u no ten.»

Mark 14:23

A janga o kaas biiñ itam, a gidim a Roog, a cooxin a den, soo da yer taaga den fop.

YEGIL MBAAX NE YEESU ne Lik a bindtuuna 22:17

Yeesu a janga o kaas biiñ, a gidim a Roog, too a lay ee: «Njangyo, too nqaajrin!