Mark 14:18 - NQAARIIT NE ROOG

¹⁸ Yaa da ndeerna a ñaamaa, Yeesu a laya yee: «No ndigil, mexe layaa a nuun ee: Nuun we na ñaamaa fa mi, xan o leng na nuun a ɓoxotaam.»

Mark 14:18 Referans Kwoze

A kim a tedu ke 41:9

«Jam daliran. Oxe wondooxa too inooxkatee muk.»

YEGIL MBAAX NE YEESU ne Saŋ a bindtuuna 6:70

Yeesu a doona a den ee: «Nuun xarɓaxay fo ɗik we, ndax refee yee mi jilu a nuun? A jega na nuun koy oxaa fogna no ƈiƴ oxe.»

YEGIL MBAAX NE YEESU ne Saŋ a bindtuuna 6:47

No ndigil, no ndigil, mexe layaa a nuun ee: Oxuu gimna na mi, a jega o ñoow o fagkeer ole.

YEGIL MBAAX NE YEESU ne Saŋ a bindtuuna 13:38

Yeesu a doonaan ee: «Xan o wuus o ñis of yaam mi? No ndigil, no ndigil, mexe layang ee: A siik laykee, too layiro boo a caf a tadak ee andiraamo.»

YEGIL MBAAX NE YEESU ne Saŋ a bindtuuna 13:21

Yaa Yeesu a layna naaga boo a ƴut, o njaaxɗand o maak a rokaan, boo ta lay a qool qac ee: «No ndigil, no ndigil, mexe layaa a nuun ee: Xan o leng na nuun a ɓoxotaam.»

YEGIL MBAAX NE YEESU ne Saŋ a bindtuuna 6:32

Yeesu a doona a den ee: «No ndigil, no ndigil, mexe layaa a nuun ee: Reeƭee yee Moyiis ci’u a nuun mbuuru aa-asamaan, Faap es kañ na ci’aa a nuun mbuuru aa-asamaan ndiindigil ne.

YEGIL MBAAX NE YEESU ne Saŋ a bindtuuna 6:26

Yeesu a doona a den ee: «No ndigil, no ndigil, mexe layaa a nuun ee: Refee yee yaam ne nu nga’na xa anddiloor taxu nu mbaaƭaxam, ndaa yaam ne nu ñaamneena puuru boo naag tem.

YEGIL MBAAX NE YEESU ne Saŋ a bindtuuna 5:19

Yeesu a ɓaata o lay a den ee: «No ndigil, no ndigil, mexe layaa a nuun ee: O Ƥeenqe waagoodee dara. Ke ta fi’aa fop, kaa ga Faap um a fi’an. Kuu Faap fee a fi’aa, o Ƥeenqe kaa fi’an itam.

YEGIL MBAAX NE YEESU ne Saŋ a bindtuuna 3:11

No ndigil, no ndigil, mexe layang ee: Ke i andna i laytaa, too a refangee kaa i ndoonna a ngid, i naangee o seede’aa lakas, ndaa koy nu njaɓee ke i seede’aa.

YEGIL MBAAX NE YEESU ne Saŋ a bindtuuna 3:5

Yeesu a doonaan ee: «No ndigil, no ndigil, mexe layang ee: O kiin waagee o rok no Maat ne Roog, too rimtaand foofi fo Yiif le Roog.

YEGIL MBAAX NE YEESU ne Saŋ a bindtuuna 3:3

Yeesu a doonaan ee: «No ndigil, no ndigil, mexe layang ee: O kiin waagee o ga Maat ne Roog a refangee kaa rimel o rimel o xas olaa inoorna na asamaan.»

YEGIL MBAAX NE YEESU ne Saŋ a bindtuuna 1:51

Yeesu a doona taaga yee: «No ndigil, no ndigil, xan nu nga’ataa asamaan a wetoox, soo malaaka ke Roog a ŋaayaa, a mbudooxaa me o Ƥeenqe no kiin oxe a refna.»

YEGIL MBAAX NE YEESU ne Lik a bindtuuna 11:51

no kaa xotitna na Abel boo no fo’oy laa Sakari fee warit’eena a ndeer Mbind Roog naa fo o sadaxand olaa. Iyo, mexe layaa a nuun ee: Xan a laacel wiin we ndiiki.

YEGIL MBAAX NE YEESU ne Lik a bindtuuna 4:24

Cinj kaaga, a ɓaata teen ee: «No ndigil, mexe yegnan a nuun ee: O tuleer naagee o jaɓeel no mbaafaap um.

Mark 14:25

No ndigil, mexe layaa a nuun ee: Yerkatiim kaa inoorna no ndaxar biiñ a refangeerna na bes faa um dakooxkaa o yer fa nuun biiñ fa nqas faa refna kam Maat naa Roog.»

Mark 14:9

No ndigil, mexe layaa a nuun ee: Muu Yegil mbaax ne a waare’eena kam adna fee fop, xan a betandax no ke o tew oxene a fi’na a laytel maaga itam.»

Mark 10:29

Yeesu a laya yee: «No ndigil, mexe layaa a nuun ee: Oxuu mi fo Yegil mbaax ne i taxna ta xaƴ mbind um mbaat maag um mbaat xa teɓ um mbaat a ya um mbaat a faap um mbaat xa ƥeem mbaat xa qol um, xan a daawatin na jamaane feeke pind fo maag fo xa teɓ fo yaay fo xa ƥiy fo xa qol boo a caf teemeed, a ñagadilange sax oo. Xan a daaw itam o ñoow o fagkeer ole na jamaane fee na garaa.

Mark 10:15

No ndigil, mexe layaa a nuun ee: Oxuu jaɓeerna Maat ne Roog nen o ndeɓandoong, waagkee o rok teen muk.»

Mark 9:41

Oxuu ci’na a nuun a tokol foofi no gon es, yaam ne Kiristaa a jegna a nuun, no ndigil, mexe layaa a nuun ee: Ñakkee o daaw ndabid um.»

Mark 9:1

Yeesu a dakooxa o lay a den ee: «No ndigil, mexe layaa a nuun ee: Leng-leng no we ndefna meeke nqonkee, too nga’ee Maat ne Roog a garaa fa katil.»

Mark 8:12

Yeesu a gatandooxa no yiif um, a lay ee: «Xar taxu xeet fene a laamtaa o anddiloor? No ndigil, mexe layaa a nuun ee: Xeet fene cooxkaand o anddiloor o leng.»

Mark 6:11

A ngenarangee a nuun mbaat da mbañ o nan-giloox a nuun, fat nu sutoox maaga, yirif fo ut a caf nuun, ndax ta ref seede took den.»

Mark 3:28

No ndigil, mexe layan a nuun, pakaad ke no wiin we fo a ben ake den da mosna o mben a Roog fop a mbaage o mbaasanit.

Mace 26:21

Yaa da ñaamaa, Yeesu a laya yee: «No ndigil, mexe layaa a nuun ee: Xan o leng na nuun a ɓoxotaam.»

Mace 6:5

«Boo nu nqeɗaa, ba nu nand fo yememaar we mbexna ngeenoox a nqeɗaa kam pind a qeƭ ke fo na xa salit axe no ped ke, ndax wiin we a nga a den. No ndigil, mexe layaa a nuun ee: A ndaawa ndabid den boo a ƈut.

Mace 6:2

Boo o sadaxtaa, ba o laltan ne yememaar we a mbi’tan kam pind a qeƭ ke mbaat kam ped ke, ndax wiin we a simat a den. Mexe layaa a nuun no ndigil ee: A ndaawa ndabid den boo a ƈut.

Mace 5:18

No ndigil, mexe layaa a nuun ee: Boo asamaan fo lanq a mbaafeerna, bind le moƴna moƴ o neew mbaat o ɗelem o leng sax watkee no kebil ke boo yaa fop a fadnooxna.

YEGIL MBAAX NE YEESU ne Saŋ a bindtuuna 21:18

No ndigil, no ndigil, mexe layang ee: Ye o refaa no ndeƥandoong, kaa o xiisnanoogu a xoox of o kurcala of, retaa maa feloonga. Kaa koy, boo nogoyoona, kaa o bugko letnaa xa ƥay of, o lakas a xiisnanong o ten, a ɓisang maa bugeeroona.»

Mace 6:16

«Boo nu ngoorna, ba nu yuɗaanooxaa nen yememaar we na ngiɓaa a tagid den, ndax wiin we a nga ee kaa ngoor. Mexe layaa a nuun no ndigil ee: A ndaawa ndabid den boo a ƈut.

Mark 14:17

Yaa tigaa yaarna, Yeesu a fadiida fo xarɓaxay fo ɗik waa.

Mark 14:19

Daalbe we a naqadiloox’a lool, too oxuu refna na den a laamtoogaan ee: «Mbaar refee mi?»

YEGIL MBAAX NE YEESU ne Lik a bindtuuna 22:21

Ndiiki koy, nan-gilooxyo: Oxe na ɓoxotkaxam refu oxe fogna fa mi o roon.

YEGIL MBAAX NE YEESU ne Saŋ a bindtuuna 13:18

Refee koy ee nuun fop taxu um layaa, andaam we jiluuma. Kaa koy, kaa a Pind a Tedu ke a mbar o mbadnoox: ‹Oxe fogtooguuma o roon, a falaxam.›

YEGIL MBAAX NE YEESU ne Saŋ a bindtuuna 13:22

Daalbe we a ƭeetra, o leng andee oxe ta ne’aa.