Mark 14:11 - NQAARIIT NE ROOG

¹¹ A sawar’a lool ye da nanuuna, too a ndegaan ee xan a ndabdin xaaliis. Naaga, Yudaa a waaƭoogata maa ta ɓoxotitna a Yeesu.

Mark 14:11 Referans Kwoze

1 Timote 6:10

No fex xaaliis, paaxeer kuu ndefna a ngataa. A jega koy waa andoona yee owaa njegan, a ngoƭ o ngim onqe, soo a yenan a qoox den no coono kaa o leng a saɗeerna o ga.

Yudaa 1:11

Ndaw sabab took den, yaam kaa ndeef a ƭat ale Kayin, a ndeɓoox na ƭat a naanax ale Balam yaam xaaliis, too xan a saŋkoox, yaam kaa mbañoogu a Roog nen a Koora.

Mace 26:15

too a lay a den ee: «Xar nu ndabidkaxam yaa ɓoxotanuuma a nuun?» Maaga, a ndabdaan xa monjong qarɓeen tadik xaaliis fa nqoolu.

Hoose 7:3

Kaa da ƭaaynoortaa o maad oxe o ƴiƴ den, soo gelwaar we, da mbelakintaa a den naanaxir den.

2 Maad we 5:26

Eliise a layahinaan ee: «Kaa o foog ee a yiif es nga’ee o koor oxaaga foolitna na sareet um soo a xetiid fa wo? Ndax waxtu o jang xaaliis mbaat toki kaa fad, waxtu o jik taxar oliiw mbaat taxar biiñ, xa siir mbaat a ked, dag mbaat jeefeer?

1 Maad we 21:20

Ye Ahab a ga’na a Eliya, a layaan ee: «Ey! O pañ oxe mi, garahinaa de!» Eliya a doonaan ee: «Ii, garahinaam moos, yaam kaa o jikooxaa a xoox of, ndax o fi paaxeer na kid no Yaal oxe.

Mace 26:14

Cinj kaaga, oxaa ne’eena Yudaa o Iskariyot oxe, too a fog’u no xarɓaxay fo ɗik waa a reta maa no saasadax maak waa,

Mark 14:10

Maaga, Yudaa o Iskariyot oxe reeƭna o leng no xarɓaxay fo ɗik waa, a reta a lay fo saasadax maak waa, ndax ta ɓoxot a den a Yeesu.

Mark 14:12

No ñaal mberaand naa na Xew faa no puuru canja’e ke, bes fee mbaal ne a sadaxtoogeena, daalbe we Yeesu a laamtaan ee: «Mam bugo i njawantikong a cu’ax ale na bes fee na Colandax ale?»

YEGIL MBAAX NE YEESU ne Lik a bindtuuna 22:3

Maaga, Saytaane a roka na Yudaa fee xoyoogeena o Iskariyot oxe reeƭna o leng no xarɓaxay fo ɗik waa.