Mark 13:27 - NQAARIIT NE ROOG

²⁷ A koom, xan a luliid malaaka ke ten na xa saax xa nahaq axe no lanq ke, ndax da mbokat we ta jilna, no ke xotitna no cat adna boo no cat asamaan.»

Mark 13:27 Referans Kwoze

Sakari 2:6

Laamtaanum ee: «Mam o jofaa?» A doonaxam ee: «Kaam liiƥkaa a Yeerusaleem, ndax um and ne o yaajel um fo o cigdel um a mbodkaa.»

Mace 24:31

Xan a luliid malaaka ke ten fo a luuƥ ale na bugko jibaa a maak, too xan a mbokat we ta jilna na xa saax xa nahaq axe, kaa xotitna no cat boo no cat asamaan.»

A cangatin ale 30:4

Nu ƥisange gilaa saax took o hup doole boo no cat adna sax oo, xan o Yaal oxe Roog nuun a fokattiid a nuun maaga, a xottiid a nuun maaga.

2 Tesalonik 2:1

No ke xotna na kar ale no Yaal in Yeesu Kiristaa fo ne i mbokatooritkaa paam um, fog we, ke i nqeɗaa a nuun teen refu yee nu mbañ o ñak sagu nuun no ñofu. Baa diid leng a dam a nuun, yaam nu mboogaa yee bes fee no Yaal oxe a fadiida boo a ƴut. A waaga o jeg waa na njo’tanaa a Roog, ne’atiim o ɗelem mbaat o leetar olaa nandna wee na in nu ndaawtun.

YEGIL MBAAX NE YEESU ne Lik a bindtuuna 16:22

Na bes fa leng, o ndool onqe a xona, too malaaka ke a ƥisaan ta ɓopnook a Abraham. O yaal halal oxe itam a xona, a gasel.

Mark 13:20

Boo o Yaal oxe a wañ’eerna ñaal kaaga, o leng muckoogee. Kaa koy, xan a wañ a den yaam we ta jilanna a xoox um.

Mace 13:41

O Ƥeenqe no kiin oxe xan a luliid malaaka um, ndax da ƈas kam Maat um we na tolofnooraa wiin we fo we na mbi’aa cofaƭaru.

1 Piyeer 1:2

Roog Faap fee kaa jil a nuun, yaam kaa yuuɓ’un no mberaand naa, ndax nu kesel na pexey Yiif Tedu le, nanan a Yeesu Kiristaa, soo nqoolandtel fo’oy le ten. Yaasam yirmande fa jam a mayƭandel took nuun!

2 Timote 2:10

Jaɓaam o gadoox fop yaam we njileena, ndax den oo, da mbaag o ndaaw a muc ale refna na Kiristaa Yeesu, a tapit o ndam onqe na refkaa boo faw.

Kolos 3:12

Neene itam, nen waa Roog a jilna nu mbog no ten, ta fex a nuun, fat nu mbof yirmande fo o paaxel fo a neewandax fo o ɓuuɓ fo o muñ.

O leetar ole Pool a bindna GIMU WE NGENNA ROM 8:33

An saɗu moof a jambaa we Roog a jilna? O leng saɗiran, yaam Roog o mat ɗeetu a den nen jofu.

YEGIL MBAAX NE YEESU ne Saŋ a bindtuuna 11:52

Reeƭee koy soom yaam xeet fee, ndaa ndax xa ƥiy Roog axe pictoorna a nqurel, a ndefat xeet fa leng koŋ.

YEGIL MBAAX NE YEESU ne Saŋ a bindtuuna 10:16

Jegaam koy paal lakas kaa ndefeerna no ged leeke, too waraam o xotiid a den. Xan a nan o ñuxur es, ged leng kut a jegat, da mbog o kaynaak o leng koŋ.

YEGIL MBAAX NE YEESU ne Lik a bindtuuna 18:7

Ndax kaa Roog dimle’kee xeet um, na nqeɗan ñaal fo o yeng? Ndi kaa yapatilkaa a den?

Mark 13:22

Xan Kiristaa maamaaɓ fo duleer maamaaɓ a mbeeñ, too xan a mbi’aa xa anddiloor fo comlaand, ndax da nax we Roog a jilna sax, a mbaagangaan.

Mace 24:24

Xan Kiristaa maamaaɓ fo duleer maamaaɓ a mbeeñ, too xan a mbi’aa xa anddiloor xa magnu fo comlaand, ndax da nax we Roog a jilna sax, a mbaagangaan.

Mace 24:22

Boo ñaal kaaga a mbañ’aandeena, o leng muckoogee, ndaa xan a mbañel yaam we njileena.

Mace 13:49

Naaga a refitkaa itam no paangandoong adna. Xan malaaka ke a ngar, a nqaaj soxodu we a ndeer jofu we.

Mace 12:42

Xan o maad o tew oxaa inoor’ina no ɓemb-roog o ñamaak a inoox na bes faa no nqel naa Roog, a soq xeet fene, yaam a inoor’a no cat adna ndax ta nan-gilook o and o maak olaa Salomo. Oxe na layaa fa nuun koy hupu a Salomo.»

Esayi 65:9

Xam sutit na Yakoob o ndaan, kaam ee xam sutit na carind ale Yudaa oxe na lamkaa o joong o tedu le mi. We um jilkaa xan a njegin, dag es a ngenik teen.

Mberaand 49:10

O samb o ɗoxir ole sambirkee fa Yudaa, too o anddiloor kelfa le goƭkee a caf um, boo yaa oxe jeguuna a garkaa, oxe qeet ke fop a nanankaa.

Mark 13:28

«Njangityo na naxax ale xotteena no ndun ne. Boo a naaq ake a ƈiƴiidaa, too a naf ake a saqtaa, nu anda yee ndiig ne a matiida.