Mark 13:21 - NQAARIIT NE ROOG

²¹ A koom koy, boo o kiin a layna a nuun ee: ‹Kiristaa fee o Muumucil oxe regteena oxey mene›, mbaat ‹Oxaay maana›, ba nu ngimin.

Mark 13:21 Referans Kwoze

YEGIL MBAAX NE YEESU ne Lik a bindtuuna 21:8

Yeesu a doona a den ee: «Mbootooxyo o naxel, yaam xan wiin mayu a ngar, a ne’ooxaa gon es, too xan a lay ee: ‹Mi refun›, too ‹Waxtu fee xe matiidaa!› Kaa koy, ba nu ndeef a den.

Mace 24:5

yaam xan wiin mayu a ngar, a ne’ooxaa gon es, too xan a lay ee: ‹Mi refu Kiristaa fee o Muumucil oxe regteena.› Maaga, xan a nax wiin mayu.

YEGIL MBAAX NE YEESU ne Saŋ a bindtuuna 5:43

Kaam gar no gon Faap es, soo nu nquruloox. O lakas a garangaa no gon xoox um koy, nu mbarakooxin.

Mark 13:20

Boo o Yaal oxe a wañ’eerna ñaal kaaga, o leng muckoogee. Kaa koy, xan a wañ a den yaam we ta jilanna a xoox um.

Mark 13:22

Xan Kiristaa maamaaɓ fo duleer maamaaɓ a mbeeñ, too xan a mbi’aa xa anddiloor fo comlaand, ndax da nax we Roog a jilna sax, a mbaagangaan.