Mark 13:19 - NQAARIIT NE ROOG

¹⁹ Yaam no ñaal kaaga, xan a jeg coono fa maak faa moseerna o jeg naa Roog a saku adna fee boo xaye, too jegkatee nandu neene boo muk.

Mark 13:19 Referans Kwoze

Dañel 12:1

Malaaka fee a layahinaxam ee: «Na jamaane faaga, xan Mika’el fee refna kelfa fee no malaaka ke a feeñ, ten fee na saytooxaa xeet of. A koom xan a jeg coono fa maak faa moseerna o jeg naa xeet a sosooxu boo ndiik. Maaga, fop we mbogna na xeet of, too a kon den a mbindel no safe le no ñoow ole, xan a muc.

Yowel 2:2

Kaa ref ñaal o niɓaan fo a sisaaƥ, ñaal a eel fo a kuy. Xeet fee mayna bo too a jeg doole kaa garaa nen mbeet naa na leeliidaa took xa coong axe. Kaa nandna neene mosee o jeg, too moskatee o jeg muk no suk ke na ngaraa.

Mace 24:21

Yaam a koom, xan a jeg coono fa maak faa moseerna o jeg yaa adna godeena ɓaax boo ndiik, too jegkatee nandu neene boo muk.

Dañel 9:26

A cinj xa kiid ɓetaa ƭaq axeene boo a caf qarɓeen ɓetuu fa leng fo a caf a ƭak, Kelfa fee ta soƥkaa ta ɗuumel xan a saŋkel, too jegkee oxaa rondanduuna. Cinj kaaga, xan kelfa a gar fo a yaj no xiixire um, a yaq teeru fee fo o mbiñ o tedu nqe, ndaa xan muukandoong um a fadtiid nen o jaɓ. Yaq fee xan a ret boo maa xire fee a fagitkaa. Roog o mat heblitun.

Mark 10:6

ndaa no mberaand naa na sak ale, ‹Roog a saka o koor, a sak o tew.›, ne ta bindteena.

Dañel 9:12

Fadnaa ke yegnit’oona took in fo took kelfa ke ƭoxoogna a in, ɓisiid a in taamaala fa maak kam Yeerusaleem, too fa nandu neene mosee jeg sen took lanq ke.

A ƭomatax ake 2:13

Xar waroong o lay? Ndi xar um nandanditkang, wo Yeerusaleem, o ndoog onqe? An um ga’kaa ta nand fa wo, fo a yaal alum um cooxkang, wo Siyoŋ, o ndoog onqe? Yaam o njakad onqe wo kaa magnit nen o maag ole. An na waagkang o wodand?

A cangatin ale 28:59

xan o Yaal oxe a xawit a nuun, nuun fo xa taan nuun, taamaala maak kaa na miñkaa fo a cir a ƭomu kaa mbodkeerna.

A cangatin ale 4:32

«Laamityo no kaa farna no ñaal peraand kaa, yaaga nu ndimafulaand, no kaa xotitna yaa Roog a sakna o kiin took lanq ke. Ƥaalyo ke xewna na adna fee, a xotit no cat boo no cat lakas. Ndax kaa magnitna neene a mosa o xew? Ndax kaa nandna neene a mose o nan?

A ƭomatax ake 4:6

Tooñ ne na xeet es moƴu magin ne Sodoom, gef’eena ndeer ñaf fo ƭeet, too o ɓay no leng niinee teen.

A ƭomatax ake 1:12

«Nuun um laytaa, nuun fop we na njoonaa mene! Ƭeetyo too ngoroox a paax! Ndax a jega o ƭomel olaa nandna fo ole mi, fodna fo ole fadeema? O Yaal oxe a fi’axam ƭomu a koom alaa fo fuux ɗomu le ten.

Mark 13:18

Nqeɗyo boog, ndax keene xewkee no ndiig.

Mark 13:20

Boo o Yaal oxe a wañ’eerna ñaal kaaga, o leng muckoogee. Kaa koy, xan a wañ a den yaam we ta jilanna a xoox um.

Mbeeñil 7:14

Doonaanum ee: «O yaal es, mee ndax wo andun.» Maaga, a layaxam ee: «Den ndefu we inoorna no ñagadil ƭomu naa. Kaa ndap toki den, a ndan-ginit a den fo’oy le no Mbaal onqe.