Mark 12:44 - NQAARIIT NE ROOG

⁴⁴ Yaam lakas we fop, xaaliis fee da soxla’eerna a sadaxtu, ndaa o ten o mat, kam o ñak um, a cooxta fop ke ta jeg’ina, reeƭna ñoowir um.»

Mark 12:44 Referans Kwoze

1Saŋ 3:17

O kiin a jegangaa kalal adna, too a ga o pog um a ref na soxla, soo ta ɓalgin laaw um, nam o mbeq onqe Roog a gentu no ten?

Mark 14:8

A fi’a ke ta waagna, a yipanaxam ƭuumooxel no cer es boo a ƴut, too a mboy es a fi’anun.

A cangatin ale 24:6

«Ba nu ser o kiin ta gaasin a nuun a ƥil a unir ake ten mbaat sax le took fee, yaam kaa nandkaa nen o ñoow no kiin oxe nu nqotu nen ngaasnit.»

YEGIL MBAAX NE YEESU ne Lik a bindtuuna 15:30

Ye o ƥeef onqaana a gatna, ten fee ñaamna halal of fop fo a caga ke, waranaano o xeel ole moƴna o magin.›

YEGIL MBAAX NE YEESU ne Lik a bindtuuna 15:12

O ndeɓ onqe a gara, a lay a faap um ee: ‹Faap, cooxaam a las es no ke waruuma o lam na halal fee wo.› Maaga, faap fee a xaajana a den ke da mbaruuna o lam.

YEGIL MBAAX NE YEESU ne Lik a bindtuuna 8:43

A jeg’a maaga koy o tew oxaa jir’ina. Kaa ga’oogu tap, too ɗegroogee boo xa kiid xarɓaxay fo xa kiid xa ƭaq. A su’nit’a ke ta jeg’ina fop no waawaadin we. O leng koy waag’iran o wodand.

Mark 12:43

Maaga, Yeesu a xoya daalbe we ten, too a lay a den ee: «No ndigil, mexe layaa a nuun ee: O ñaaw o ndool onqene moƴu o yip wiin lakas we fop.