36 Yaam na pexey Yiif Tedu le, Dawid a laya ten fa xoox um ee: ‹O Yaal oxe a laya o Yaal oxe mi yee: Moofi na ñamaak es, boo yaa fi’uuma fañ we wo me o dakaa.›
«Nuun fog es, Yiif Tedu le a yegnita no don Dawid kam a Pind a Tedu ke no kaa farna na Yudaa fee adooxan’ina waa ndam’ina a Yeesu, too fa lay feene a wara o fadnoox.
Kaa mbaaƭoogu maa da nga’itna a mban fo nam ke Yiif le Kiristaa reeƭna na den a lalitna. Yiif leene a yegnita padafuleer no coono ke nar’ina o ndal a Kiristaa fo o ndam onqe na doonooxkaa teen.
Ten taxu xa kiid xa mayu a cinj kaaga, Roog a damatina bes. Bes feene koy, «xaye» a ne’e. Roog a laya a reefandin na Dawid, kene i nanna boo ƈut: «Xaye fee xaye, nu nanangaa o ñuxur ole Roog, ba nu ŋaj!»
Den fop koy a asoora yaam ne da njofoor’eerna. Naaga, Pool a doona teen keeke: «Yiif Tedu le a laya ndigil kak, ye ta layna fo daan we nuun, a reefandin no tuleer Esayi.