Mark 12:33 - NQAARIIT NE ROOG

³³ Fex a Roog no xeeñ of fop fo na qalaat of fop fo na doole of fop, soo fex o kend of nen a xoox of moƴu yee o ɓoxotaa a Roog sadax fa ndoxel mbaat sadax kuu ndefna.»

Mark 12:33 Referans Kwoze

Hoose 6:6

yaam yirmande moƴanaxam sadax, o andaam a moƴanaam sadax toxel.»

1 Sami’el 15:22

Sami’el a layaan ee: «Ndax sadax toxel ke fo sadax lakas ke o Yaal oxe a moƴu o bug ee o nanan fa lay um? Nanan ne moƴanun sadax ke, njaɓan ne a moƴanin neebam fee na suk paal ake.

Mace 12:7

Boo nu and’ina ke fa lay fene a tekitna: ‹Yirmande moƴanaxam sadax›, yaaga nu mbugkoogee o ƥanjaa we tooñeerna.

Mace 9:13

Njangikyo ke fa lay fene a tekitna: ‹Yirmande moƴanaxam sadax.› Xoyiidiim wiin jofu we, ndaa baabakaad we.»

A kim a tedu ke 50:23

Oxuu na ɓoxotaxam o ngidim nen sadax a niwaxam, too oxey na ƭat ale um lalitkan a muc es, mi Roog.

Hebre 10:8

Kaa eet o lay teen ee: «Wo Roog bugiro sadax muumeen ke mbaat ci’it ke mbaat sadax toxel mbaat sadax fa mbaasnoor pakaad ke, dara teen felirang.» Yaqanee toox de, sadax keene kaa ƥoxoteel ne kebil ke a simtituuna.

Xa peƭit axe 21:3

Fi’aa a pi a cofu fo a ƭat moƴanu o Yaal oxe sadax ke.

A cangatin ale 6:5

Xan o fex o Yaal oxe Roog of no xeeñ of fop, no laaw of fop fo na doole of fop.