Mark 12:32 - NQAARIIT NE ROOG

³² O caajangin oxe no kebil kaa a layaan ee: «Jook a njal, o Caajangin oxe, layaa ndigil ee Roog fa leng kut jegu, too jegee fa lakas a refangee o ten.

Mark 12:32 Referans Kwoze

A cangatin ale 4:39

Xaye, andyo too ndam na qoox nuun ee o Yaal oxe refu Roog fee na asamaan, maaga took-ee-took fo took lanq ke, too jegee fa lakas.

Mark 12:29

Yeesu a doonaan ee: «Oxene refu eetaand ne: ‹Wo Isra’el, nan-gilooxi! O Yaal oxe Roog in soom refu o Yaal oxe.

Esayi 46:9

Mbetandooxyo cosaan fee nuun no miñu kaa. Mi refu Roog, jegee fa lakas. Mi refu Roog, too jegee faa nandna fa mi.

Esayi 45:18

O Yaal oxe saku asamaan fee, ten refu Roog fa leng kut fee fiisna lanq ke, a sip a den soo a saƭkand a den koŋ. Sakee a den koy, ndax da yoq o ƥor, ndaa ndax da ngenel. Ndiiki keeke a layu: «Mi refu o Yaal oxe. Jegee roog fa lakas.

Esayi 45:14

Wo Isra’el, keeke o Yaal oxe a layong: «Kalal ke no Miimisira we fo ke Kuukuus we a njegtaa no cula ke den fo Seeseeba we na nandtaa tof caang xan a mbod no ɓay of, soo o jegat a den. Qeet keene xan a ndeefang, a ñaaƴtaa a ceng. Xan a ngungaa mbaambir of, a nqeɗooxang, a ndamtin ee: ‹Me wo soom Roog a refu. Jegee roog fa lakas, a refangee ten.› »

Esayi 44:8

Ba nu ndiid, too ba nu send. Ndax kaa nannoorinum a nuun soo yegnin a nuun yaaga? Nuun ndefu seede es. Ndax a jega roog fa lakas faa jolna mi? Jegee ɓil jaɓnooxand lakas, mi o mat andinum.»

A cangatin ale 6:4

«Wo Isra’el, nan-gilooxi! O Yaal oxe Roog in soom refu o Yaal oxe.

A cangatin ale 4:35

Nu ci’e boog o nga keene, ndax nu and ee o Yaal oxe doŋ refu Roog, too jegee fa lakas a refangee o ten.

A cangatin ale 5:7

Faɗooxkiro a roog fa lakas faa refeerna mi.

Mark 12:33

Fex a Roog no xeeñ of fop fo na qalaat of fop fo na doole of fop, soo fex o kend of nen a xoox of moƴu yee o ɓoxotaa a Roog sadax fa ndoxel mbaat sadax kuu ndefna.»