Mark 12:14 - NQAARIIT NE ROOG

¹⁴ A ngara, a layin ee: «O Caajangin oxe, i anda yee o kiin o booru refo. A ƭat of yongee no leng itam, yaam naagiro o ɗeetaa ne wiin we a nandna, too kaa o jangnaa a ƭat Roog no ndigil. Ndax i mbara o ndabid a Kesaar fee a bateer? I mbara o ndabid, ndi i mbaree o ndabid?»

Mark 12:14 Referans Kwoze

1 Tesalonik 2:4

Kaa koy, Roog kaa ɗeet a in soom nen waa ngatilna Yegil mbaax ne, soo a doxnin a in. Refee yee kaa i layaa, ndax i mbel wiin we, ndaa Roog fee na horooxaa a qeeñ in.

Galati 2:6

We ndeeƭna aa-adax we – ne ta foogit’eena yaaga too kaaga haaliraam, yaam Roog naagee o samtaa – wiin waaga ƥaat’iraam yiif dara.

Galati 1:10

Ndiiki koy, kaa felna wiin we um waaƭaa ndi kaa felna a Roog? Kaam ee ndax kaam waaƭaa o fel wiin we? Um maad’angaa o felaa wiin we, refkoogiim o paɗ Kiristaa.

2 Korint 5:16

Ndiiki koy, i ƭeettatee o leng ngiin um. Ke i ƭeet’ina a Kiristaa nen o kiin fop oo, i andtatiran neene.

2 Korint 5:11

Neene boog, i anda ke refna o saɗar o Yaal oxe, too kaa i mbaaƭaa maa i njegitna wiin we. Roog koy, a anda a in, too yaakaaraam ee nuun fa qoox nuun kam a yiif nuun, nu anda ke i ndefna itam.

2 Korint 2:17

Yaam in o mat, i ndefee nen wiin mayu we na njula’aa fa lay fee Roog. Kaa koy, kaa i ndef waa na laytaa a qool qac kaa farna na Kiristaa mbaambir Roog, yaam Roog o mat lulu a in, i ndef faɗ Kiristaa.

2 Korint 2:2

Yaam naqad nuun a inoorangaa na mi, kaa andiim no xe um jegitkaa o ɗaay, a refangee no xe naqadiluuma.

YEGIL MBAAX NE YEESU ne Saŋ a bindtuuna 7:18

Oxe na kañaa a xoox um, gon um a bugu o jootand, ndaa oxe na waaƭaa gon no xe luluuna a joot, oxaaga ndigil kak a layaa, too njofaƭar leng refee no ten.

O leetar ole Pool a bindna GIMU WE NGENNA ROM 13:6

Ten taxu itam nu mbar o ndabdaa a bateer, yaam fop we ndoxneena o ndabdinooxanaa maat ne, Roog a njalanaa, too a mbara o mbadin calel den ne waritna.

YEGIL MBAAX NE YEESU ne Lik a bindtuuna 23:2

Maaga, den fop a ndefa no njamban ee: «Kaa i soƥ o koor oxene a hoƥatrandaa xeet in, a yaqanaa wiin we da ndabid a Kesaar fee a bateer, kaa layooxaa yee ten refu Kiristaa fee, o maad oxe.»

YEGIL MBAAX NE YEESU ne Lik a bindtuuna 20:22

Ndax i mbara o ndabid a Kesaar fee a bateer ndi nam?»

Mark 14:45

Yaa Yudaa a fadiidna, a matiida a Yeesu, soo a layin ee: «O Caajangin oxe!» Cinj kaaga, a foona a Yeesu.

Mace 22:17

Ten taxu itam i laamtiidong ne keeke a nandoonga: Ndax o kiin a wara o rabid a Kesaar fee a bateer, ndax nam?»

Mise 3:8

Mi o mat, kaam may fa doole, may fo Yiif le no Yaal oxe, may fo o cofel fo njambaar, ndax um andnoor a Yakoob tooñ um, feedin a Isra’el pakaad um.

Yeremi 42:20

A qoox nuun nu naxaa, ye nu lulaxama maa no Yaal oxe Roog nuun, lay ee: ‹Xeɗooxani a in o Yaal oxe Roog in, too fop ke o Yaal oxe Roog in a laykaa, feeñleen a in, too xan i mbi’in.›

A kim a tedu ke 120:2

«O Yaal oxe, wataam no maamaaɓ we, no wiin naanax we.»

A kim a tedu ke 55:21

O ɓay no koohod kaa dalaa took no we ta reeritna jam, ta maasand ngiɓoor um.

Nehemi 9:37

Xa tim xa paaxaan axeene kaa ndefan maad we andoona yee kaa o neewand a in mbaambir den yaam pakaad in. Kaa da maadooxaa naa felitna a den took in fo took xa siir in, soo i ndef na naqad fa maak.»

2 Caloori ke 19:7

Ndiiki koy, saɗaryo o Yaal oxe, mbootoox a paax yaa nu ƭegaa hate, yaam o Yaal oxe Roog in jaɓkee njofaƭar mbaat o farit o kiin mbaat o jaɓ o gerel.»

2 Caloori ke 18:13

Mikaya a doonaan ee: «Ne ta wooritna yee o Yaal oxe xe ñoowaa, neene a woortu yee ke Roog es a layaxama doŋ um yeginkan.»

A cangatin ale 16:19

Ba nu ƭap yaa fa hate, mbañ o mbarit o leng no kate nuun, too ba nu njaɓ o neexleel muk, yaam neexil ke kaa mbuulnaa a kid ake no yaal-o-and we soo a yaqaa fa lay fee no jofu we.

2 Korint 4:1

I ndeɓkee muk njambaar in, yaam ne Roog a lasna a in calel keene na pexey o paaxel um.

Mace 22:16

A lula maa ten daalbe we den fo waa mbogna na qaaj ale Herood ee: «O Caajangin oxe, i anda yee o kiin o booru refo, too kaa o jangnaa a ƭat Roog no ndigil. A ƭat of yongee no leng itam, yaam naagiro o ɗeetaa ne wiin we a nandna.

Mark 12:13

Farisiya leng-leng fo waa mbogna na qaaj ale Herood a lule paam Yeesu, ndax da mbogin na fa lay um.

Mark 12:15

Yeesu a anda yememaar naa den, too a doona a den ee: «Xar taxu nu mbogaxam? Ƥisiidaamoo o xanjar o leng boo um ga.»