Mark 11:33 - NQAARIIT NE ROOG

³³ Maaga, a ndoona a Yeesu yee: «I andee.» Yeesu a laya a den ee: «Mi yoo, laykiim a nuun sañ-sañ fee um fi’taa kene.»

Mark 11:33 Referans Kwoze

2 Korint 3:15

Kaam ee boo no ñaal ne xaye sax, muurax ne kaa maad o singaa a qeeñ den, yaa da njangaa a safe ke Moyiis.

O leetar ole Pool a bindna GIMU WE NGENNA ROM 1:28

Ne da mbañna yee o and a Roog, tig cegu o njiriiñ oo, a taxa Roog a riñ a den no saƭik xoox, ndax da mbi’aa o njombe,

YEGIL MBAAX NE YEESU ne Saŋ a bindtuuna 9:27

A doona a den ee: «Um layin a nuun, nu mbañaam o nan-giloox! Xar taxu nu mbug o ndak o nan kaa farna teen koy? Too ree kaa nu mbug o ndef daalbe um!»

YEGIL MBAAX NE YEESU ne Saŋ a bindtuuna 3:10

Yeesu a doonaan ee: «Coo, o ref o caajangin o maak oxe Isra’el, too andiro keene!

Mace 21:27

Maaga, a ndoona a Yeesu yee: «I andee.» Yeesu a laya a den ee: «Mi yoo, laykiim a nuun sañ-sañ fee um fi’taa kene.»

Mace 16:4

Xeet fa soxodu fa ngore’aƭaru fene fesna a Roog a cinj, oxe xeɗaa o anddiloor, ndaa Roog ci’kee a den o anddiloor o lakas olaa refeerna ole Yoona.» A xaƴa den maaga, soo a ret.

Mace 15:14

Nqaƴyo a den, fuul waa na ƭoxaa fuul gend den a ndefu. O puul a ɗoxangaa o puul o kend um koy, den ɗik fop xan a njimboox kam a kamb.»

Esayi 56:10

Yeeyetax we Isra’el fop fuul a ndefu. Naangee o anddaa dara, a ndef xa ƥox xa muumu xaa mbaageerna o mbox. Kaa mbondooxaa, a ndef no ƭaaɗaa, too mbaagee o ndeyƭoox o ƭaan.

Esayi 1:3

Nqoox a anda o yaal um, too o faam a anda me o yaal um a yipanan ñaamel, ndaa Isra’el o mat andee dara, xeet es njegee yiif.»

Ke bindeena no xe ne’eena YOB 5:13

Kaa damtaa laxasu we o ƴiƴ den, yuuƥ ke no waane’u we a kasaara’ooxaa.

Hoose 4:6

Xeet es owe saŋkooxaa took o ñak-o-and. Feek kaa o deɓ o and ole, xam raxong no calel no saasadax es. Ne weectoona a cangin es, mi Roog of, mi itam neene um weecitkaa xa ƥeef.

Mark 11:32

Ndi kaa i ndoonkan ee: ‹No wiin we a inooru›…» Kaa saɗaroogu wiin we, yaam fop kaa mbi’’u a Saŋ o tuleer ndigil.

Mark 12:1

Cinj kaaga, Yeesu a refa no naxooxaa a den ee: «O yaal mbind a jimba a ƭing taxar biiñ, a ɗingin, soo a waq kam faa o nirir. A maxa taaga o yetooxand. Maaga, a doxnaan xooxoox, da nar o nqaajran fo ten, soo a ñaaƴik no saax jan.