Mark 11:32 - NQAARIIT NE ROOG

³² Ndi kaa i ndoonkan ee: ‹No wiin we a inooru›…» Kaa saɗaroogu wiin we, yaam fop kaa mbi’’u a Saŋ o tuleer ndigil.

Mark 11:32 Referans Kwoze

Mark 12:12

Aa-adax we a mbaaƭooga naa da ndamtuuna, yaam a and’a xil ee den o mat taxu Yeesu a lay a naxax aleene. Kaa koy, kaa saɗar’u wiin mayu waa. Ten taxu a nqaƴaan, soo a ndet.

Mace 21:46

ndaa kaa saɗaroogu wiin mayu waa, ke da mbug’uuna o ndam fop oo, yaam wiin we kaa mbi’’u a Yeesu o tuleer.

Mace 14:5

Herood a bug’a o warnoor a Saŋ, ndaa a saɗar’a wiin mayu we, yaam kaa mbi’’u a Saŋ o tuleer.

A pi ake 5:26

Maaga, oxe adooxan’ina yeeyetax waa a yoona fo waa lul’eena, ndaa kaa saɗaroogu xeet faa a mbarit a den a kac. Ten taxu da ƥisiid apootar waa no njek.

YEGIL MBAAX NE YEESU ne Saŋ a bindtuuna 10:41

Mayu a ngara no ten, a layaa yee: «Saŋ o Paabatiise xe fi’ee o anddiloor o leng, ndaa fop ke ta layna no kiin oxeeke ndigil kak oo.»

YEGIL MBAAX NE YEESU ne Lik a bindtuuna 22:2

Saasadax maak we fo jaajangin maak we no kebil ke Moyiis kaa mbaaƭoogu maa da mbaritna a Yeesu, ndaa kaa saɗar’u xeet faa.

YEGIL MBAAX NE YEESU ne Lik a bindtuuna 20:19

Jaajangin waa no kebil ke Moyiis fo saasadax maak waa a and’a a paax ee den taxu Yeesu a laytaa a naxax alaaga. Ten taxu kaa mbaaƭoogu maa da ndoonitna a Yeesu o ɓay na waxtu faaga sax sax ta layoogna, ndaa kaa saɗar’u xeet faa.

Mark 6:20

yaam Herood kaa saɗar’u a Saŋ. A and’a xil ee Saŋ o koor o cofu a reeƭu, a ted, ten taxu ta saytooxoogun. Boo ta nan-gilooxooguuna, a jaaxɗooga, ndaa kaa nan-gilooxoogun fo o ɗaay.

Mace 11:9

Layangaamoo ke nu ƭeetik’ina boog! Ndax o tuleer Roog nu ƭeetik’u? Ii, ndaa mexe layaa a nuun ee oxaa hupna o tuleer Roog sax oo.

Mark 11:31

Maaga, a ñimatirooga a ndeer den ee: «Boo i ndoonuuna yee: ‹Na asamaan a inooru›, yaaga xan a lay a in ee: ‹Xar taxu boog nu ngimee no ten?›

Mark 11:33

Maaga, a ndoona a Yeesu yee: «I andee.» Yeesu a laya a den ee: «Mi yoo, laykiim a nuun sañ-sañ fee um fi’taa kene.»