Mark 11:25 - NQAARIIT NE ROOG

²⁵ Boo nu ngeenooxna ndax nu nqeɗ, nu saqanangaa o kiin tig, mbaasaneenoo, ndax Faap nuun fee refna na asamaan a waasan a nuun tooñ nuun itam. [

Mark 11:25 Referans Kwoze

Kolos 3:13

Naangyo muñanraa. A soƥangaa koy ee o kiin na nuun a saqana o lakas tig, fat nu mbaasanir. Fat nu mbaasanritaa, ne Kiristaa a waasanitna a nuun.

Efees 4:32

Fat o paaxel fo o laabiir a may a ndeer nuun, nu mbaasanraa ne Roog a waasanitna a nuun na Kiristaa.

YEGIL MBAAX NE YEESU ne Lik a bindtuuna 6:37

«Ba nu ngate’aa wiin we mbaat Roog ñakkee o hate’aa a nuun. Ba nu ƥanjaa o leng mbaat Roog ñakkee o ɓanjaa a nuun. Naangyo mbaasantaa, too yaaga xan Roog a waasanaa a nuun.

Mace 6:12

Waasani a in tooñ ke in, ne i mbaasantaa we tooñna a in,

Mace 5:23

Yaaga koy, boo cooxtiidoona sadax of no sadaxand olaa, too wetandoox ee o pog of a saqanaang fuux,

Saak 2:13

Oxe yirmeerna o kend um, na bes faa na hate faa, Roog yirimkiran itam. Kaa koy, o yirmangaa wiin lakas we, saɗarkiro mbaambir no Kaahate xe.

Mace 6:5

«Boo nu nqeɗaa, ba nu nand fo yememaar we mbexna ngeenoox a nqeɗaa kam pind a qeƭ ke fo na xa salit axe no ped ke, ndax wiin we a nga a den. No ndigil, mexe layaa a nuun ee: A ndaawa ndabid den boo a ƈut.

YEGIL MBAAX NE YEESU ne Lik a bindtuuna 18:11

O Farisiya xe a inooxa a geenoox, too a xeɗit nene yee: ‹Roog, mexe ɓoxotang tedaanga, yaam ne nandeeruuma fo wiin leng we ndefna guuɗ, a njofaƭar, a seeqaa mbaat nen o taarabdinax juuti xene sax.

Sakari 3:1

Cinj kaaga, o Yaal oxe a feeñlaxam a Yosuwe fee o saasadax o maak oxe, ta geenoox mbaambir malaaka fee no Yaal oxe, too Saytaane a geenoox’a na ñamaak Yosuwe, a jamban.

Mbeeñil 11:4

Seede ɗik weene ndefu taxar oliiw ƭik ke fo a pagal a ƭak xa lampa ake mbodna mbaambir no Yaal oxe jegna adna fee fop.

YEGIL MBAAX NE YEESU ne Lik a bindtuuna 18:13

O taarabdinax juuti xe a foda a cinj, bug’ee sax o daxaaƴoox na asamaan. Kaa riqooxoogu no ngang, too a layaa yee: ‹Roog, yirmaam mi fee refna o paabakaad!›