Mark 11:14 - NQAARIIT NE ROOG

¹⁴ Yeesu a laya ndun ne yee: «Yaasam baa o kiin a ñaamat xa tim of boo faw!» Daalbe we ten a nana kaaga.

Mark 11:14 Referans Kwoze

Mace 21:19

A ƴooka ndun paam a ƭat ale, a matiidin, ndaa soƥee taaga o jala leng a refangee a naf a ƥor, too a layaan ee: «Yaasam baa o rim o leng sax a feeñat took of boo faw!» Ndak fo ndak, ndun naa a naaga ŋayam a weer.

YEGIL MBAAX NE YEESU ne Saŋ a bindtuuna 15:6

Oxuu saxeerna na mi, xan a deɓel tafil nen o par o ɗege, too xan a weer. A weerangaa koy, xan a deɓel na fiɗel, a doxik.

Mace 7:19

Ndaxar nuu rimkeerna xa tim xa paax, xan a godel, a deɓel kam fiɗel laa.

Mace 3:10

Ndiiki, ɓaax le a sipe na puƭ ake no taxar ke. Ndaxar nuu rimkeerna xa tim xa paax, xan a godel, a deɓel kam fiɗel laa.

Mbeeñil 22:11

Fat o paaxaƭaru xe a gen no fi’aa paaxeer, o qoolaƭaru xe a gen no fi’aa qooleer. Kaam ee fat o cofu xe a gen no fi’aa cofu, o tedu xe a gen no ñoowaa kam o tedel.»

Mace 21:44

Oxuu yenna took ɓil leene xan a ɓoloox, too took no xuu ta yenna xan a feñexoox.]»

2 Piyeer 2:20

A sutooxa no ke waagna o yaq cer na adna fee, yaam a and o Yaal in fo o Muumucil in Yeesu Kiristaa. A nomtooxangaa teen boo keene a hupat a den doole, xan a moƴat o mbaaxaƭar ne da nand’ina peraand.

Mace 21:33

«Nan-gilooxyo a naxax a lakas. Kaa jeg’u jeg o yaal mbind oxaa jimbna a ƭing taxar biiñ. A ɗingaan, soo a waq kam faa o nirir. A maxa taaga o yetooxand. Maaga, a doxnaan xooxoox, ndax da nqaajran fo ten, soo a ñaaƴik no saax jan.

Mark 11:13

A ƴooka ndun naa saq’ina a naf, too a reta a ɗeetik, ndax xan a ga taaga xa cala. Kaa koy, yaa ta matiidna ndaxar ne, soƥee taaga tus a refangee a naf a ƥor, yaam reeƭee na waxtu fee tun ke a ndimaa.

Mark 11:15

Cinj kaaga, a mbadiida Yeerusaleem, soo Yeesu a rok kam Mbind Roog naa. A raxa jiijikax waa fo waa njikoogna maaga, a maaf a taabul ake no we mbecetoogna xaaliis fo a tuɗand ake no jiijikax we na nuukuur ake,