Mark 11:13 - NQAARIIT NE ROOG

¹³ A ƴooka ndun naa saq’ina a naf, too a reta a ɗeetik, ndax xan a ga taaga xa cala. Kaa koy, yaa ta matiidna ndaxar ne, soƥee taaga tus a refangee a naf a ƥor, yaam reeƭee na waxtu fee tun ke a ndimaa.

Mark 11:13 Referans Kwoze

Mace 21:19

A ƴooka ndun paam a ƭat ale, a matiidin, ndaa soƥee taaga o jala leng a refangee a naf a ƥor, too a layaan ee: «Yaasam baa o rim o leng sax a feeñat took of boo faw!» Ndak fo ndak, ndun naa a naaga ŋayam a weer.

Esayi 5:7

Isra’el refu a ƭing taxar biiñ ale no Yaal oxe Hupna fop, soo wiin we Yudaa a ndef ndaxar biiñ ne ta jimbna fo o ɗaay. O Yaal oxe kaa yaakaaroogu yee xan a ndeefaa a ƭat, ndaa koy, njofaƭar soom a ga’u na den. Kaa cungoogu na den o cofel, ndaa a coytax soom a nanaa.

YEGIL MBAAX NE YEESU ne Lik a bindtuuna 10:31

A soƥa o saasadax a reef a ƭat alaaga. Yaa ta ga’na o koor oxaaga, a joona, a waan.

1 Sami’el 6:9

Cinj kaaga, fat nu ƭeet a paax. Boo naak ke a nqotna a ƭat ale Isra’el, a njagin Bet-Semes, nu and ee o Yaal oxe doonu a in coono maak kene fop. A nqotangee maaga koy, nu and ee o Yaal oxe doonee a in kene, ndaa kaa dal a dal a in rek, too i andatee maa ta faqaqoorna.»

Ruut 2:3

Ruut a gisaatooka kam o qol, soo a fod a cinj no saasaxad we. A soƥa koy ee o qol ole ta rokna, Bowaas fee fog’ina no ƥasil ne Elimelek jegun.

Esayi 5:2

A jiqta lanq ke maaga, a watin a kac ake soo a jimb teen taxar biiñ pelu. A maxa a ndeer ee ndeer ale o yetooxand soo a waq kam faa o nirir. Kaa yaakaaroogu yee a ƭing ale xan a rim xa tim biiñ xa safu, ndaa koy, ke ta rimna jaɓee no don.

Mark 11:12

No feet olaa, yaa da sutooxaa Betani, Yeesu a xeexel’e.

Mark 11:14

Yeesu a laya ndun ne yee: «Yaasam baa o kiin a ñaamat xa tim of boo faw!» Daalbe we ten a nana kaaga.