Mark 10:52 - NQAARIIT NE ROOG

⁵² Yeesu a layaan ee: «Reti, o ngim of a muclaang.» Na waxtu faaga sax sax a waagata a ka, too a reefana a Yeesu na ƭat ale.

Mark 10:52 Referans Kwoze

Mace 9:22

Yeesu a wiƈaqilooxa, too yaa ta ga’uuna a layaan ee: «O ƥees, saƭakinooxi, yaam o ngim of a muclaang.» Na waxtu faaga sax sax o tew oxaaga a wodu.

YEGIL MBAAX NE YEESU ne Lik a bindtuuna 7:50

Kaa koy, Yeesu a laya o tew oxe yee: «O ngim of a muclaang. Reti na jam!»

Mark 8:25

Yeesu a dakooxa o doon xa ƥay um took a kid ake no koor oxe, too yaa o puul oxaa a naagna jar a ɗeet, a wod’a, too a ga’ooga fop a qool qac.

Mark 5:34

Kaa koy, Yeesu a layaan ee: «O ƥees, o ngim of a muclaang. Reti na jam, too jeg o wod-fo-ɓaal no ƭomel of.»

YEGIL MBAAX NE YEESU ne Saŋ a bindtuuna 9:32

O leng mosee o nan maa o kiin a wodanditna a kid no timte mbuulaanaq.

Mace 15:28

Maaga, Yeesu a layaan ee: «Tew oxe, o ngim of a magna! Fat o fi’antel o ten ne bugtoona.» Na waxtu faaga sax sax o ƥeem a woda.

A pi ake 26:18

Xam lulong ndax o wet a kid den, sutit a den no niɓaan ole, ɓisiid a den na qoolaand ale, sutit a den na sañ-sañ fee Saytaane, da ngar me Roog. Neene, a ngimangaa na mi, xan a ndaaw a baasan ale no pakaad ke den, a ndaaw a las ale we mbogna na mi a njegna.› »

Mark 1:31

Maaga, a matiidaan, a damin no ɓay, soo a inin. A sumaan ale a xaƴaan, too o tew oxe a inooxa ndax ta genar a den.

Mace 21:14

Fuul fo wiin waa na laƴaa, a matiida a Yeesu kam Mbind Roog naa, too a wodanda a den.

Mace 12:22

Maaga, Yeesu a ɓisiide o puul oxaa muumna, too cini a ndamin. A wodandaan boo o muum oxe a layaa, a ga’aa.

YEGIL MBAAX NE YEESU ne Saŋ a bindtuuna 9:39

Yeesu a layaan ee: «Kaa jeg kaa xoolandiiduuma na adna feeke. Kaam gar, ndax we mbuulaanaq a damna a nga, we mboogna yee kaa nga’aa a mbuul.»

Mace 11:5

Fuul we owe nga’aa, ɓoof we a ñaaƴaa, we njegna a tik-a-maak ale a nqoolandeel, ram we a nanaa, xon we a nqontooxaa, soo Yegil mbaax ne a yegneel rool we.

Esayi 35:5

Maaga, fuul we xan a nga’ataa a qool qac, nof ke no ram we a mbetoox,

A kim a tedu ke 146:8

O Yaal oxe kaa wetaa a kid no we mbuulna, a inaa we maafeena, a fex jofu we.

A kim a tedu ke 33:9

yaam kuu ta layna ta jeg. Kuu ta heblitna ta sakoox.

YEGIL MBAAX NE YEESU ne Lik a bindtuuna 9:48

a lay a den ee: «Oxuu genarna o ndeɓandoong o ndutuuñ o mbodu nene yaam mi, mi a genaru, too oxuu genaraxama, a genara oxe luliidaxama. Oxe moƴna o neew a ndeer nuun koy, refu oxe moƴna o magin.»

Mace 8:3

Yeesu a letna o ɓay um, a duqin, too a lay ee: «A felaxam, xooli!» Ndak fo ndak, a tik-a-maak alaa ten a xoola.