Mark 10:48 - NQAARIIT NE ROOG

⁴⁸ Mayu a nqasanoogaan ndax ta tiim, ndaa a moƴa o falaloox ee: «O Ndaan Dawid, yirmaam!»

Mark 10:48 Referans Kwoze

Hebre 5:7

Kam o ñoow um na adna fee, Kiristaa kaa xeɗoogu a Roog fee waag’uuna o mucil na fa nqon, a yoonandtin xa iin fo xa kooniit. Roog a jaɓa a qeƭ um, yaam ne ta ɓoxotoox’ina no ten.

YEGIL MBAAX NE YEESU ne Lik a bindtuuna 18:39

We njoonoogna paam um a nqasanoogaan, too a layan ee: «Ba o falalooxat, tiimi!» Kaa koy, a moƴa o falaloox ee: «O Ndaan Dawid! Ngela yirmaam!»

Mark 5:35

Yaa ta maadna o layaa, wiin a inoortiida no mbind no kelfa faa no mbind a qeƭ naa, a layin ee: «O ƥeef o ndew a ñaka ndiiki. Jaratee o inaa o Caajangin oxe.»

Mace 20:31

Wiin mayu waa a nqasanooga a den ndax da tiim, ndaa kaa moƴ’u o mbuuqaa yee: «Wo o Yaal oxe, o Ndaan Dawid! Ngela yirmi a in!»

Mace 19:13

Yeesu a ɓisiide xa teɓandoong xa tutuuñ, ndax ta doon a den xa ƥay, a xeɗan a den, ndaa daalbe waa a nqasana waa ƥisiid’ina a den.

Yeremi 29:13

Xan nu mbaaƭaxam too xan nu nga’aam, yaam xan nu mbaaƭaam fo xeeñ nuun fop.

A kim a tedu ke 62:12

Nanaam fa lay feeke na Roog kaa refeerna jaf leng: «Mi jegu katil.»

Efees 6:18

Mbi’yo keene fop, yoonandtin a qeƭ, nqeɗaa o ndimle Roog na pexey Yiif le. Saƭikyo no keene boog, ngen teen, too nqeɗanaa tedu we fop.

Mace 9:27

Yaa Yeesu a inoorna maaga, fuul ɗik a ndeefanaan, soo a layaa a maak ee: «Wo o Ndaan Dawid! Ngela yirmi a in!»

Mark 10:13

Yeesu a ɓisiide xa teɓandoong xa tutuuñ, ndax ta duq a den. Kaa koy, daalbe waa a nqasanooga waa ƥisiid’ina a den.