Mark 10:33 - NQAARIIT NE ROOG

³³ «In we ndetaa Yeerusaleem, too xan o Ƥeenqe no kiin oxe a ɓoxotel saasadax maak we fo jaajangin we no kebil ke Moyiis. Xan a ngate’in ndax ta warel, too xan a ƥoxotin gimaƭaru we.

Mark 10:33 Referans Kwoze

Mace 27:2

Yaa da ngumuuna boo a ƈut, a ƥisaan soo a ƥoxotin a Pilaat fee reeƭna gofornoor.

Mark 8:31

Maaga, Yeesu a fertu o jangnaa daalbe we ten ee: «O Ƥeenqe no kiin oxe a wara o ñagadilel. Xan maak we fo saasadax maak we fo jaajangin we no kebil ke Moyiis a mbañin. Xan a warel, ndaa cinj ñaal tadik xan a xontoox.»

Mace 26:66

Nam a nandu a nuun?» A ndoonaan ee: «Fa nqon soom waru no ten!»

Mace 16:21

Maaga, Yeesu a fertu o jangnaa daalbe we ten ee a wara o ret Yeerusaleem ndax maak waa fo saasadax maak waa fo jaajangin waa no kebil kaa Moyiis a ñagadilin. Xan a mbarin, ndaa no ñaal ndadkandeer naa, xan a xontoox.

Saak 5:6

We mbi’eerna paaxeer, kaa nu ƭeganaa a den hate, mbaraa a den itam, too mbañlooxanee a nuun dara.

A pi ake 20:22

Ndiiki koy, mexe retaa Yeerusaleem, ne Yiif Tedu le a simtaxama o ten, too andiim ke um soƥkaa maaga.

A pi ake 13:27

We ngenna Yeerusaleem fo aa-adax den anddee a Yeesu. Andid’ee itam fa lay fee no duleer we da njangoogna na bes a ñootnax aluu refna, ndaa a mbadna fa lay den, ye da ƥoxotna a Yeesu.

YEGIL MBAAX NE YEESU ne Saŋ a bindtuuna 19:11

Yeesu a doonaan ee: «Jegkoogiro sañ-sañ fa leng na mi, Roog a coox’angirang o ten. Ten taxu, oxe ɓoxotaxama a ndeer xa ƥay of a fi’a bakaad faa moƴna o magin fee wo.»

YEGIL MBAAX NE YEESU ne Saŋ a bindtuuna 18:28

A inoorta maa Kayif fa Yeesu, soo a ndet no xeloorand olaa, refna ref me gofornoor fee a genoogna. Mbeet naa a xoola, too den Yaawuur we koy mbad’ee kam faa, yaam a mbañaa soɓe a daawit a den no xeloorand olaa, a yaqan a den da ñaam njaw ne na bes fee na Colandax ale.

YEGIL MBAAX NE YEESU ne Lik a bindtuuna 23:21

ndaa a moƴa o mbuuq ee: «Fat a rengel, fat a rengel na kurwaa!»

YEGIL MBAAX NE YEESU ne Lik a bindtuuna 9:22

Yeesu a doona taaga yee: «O Ƥeenqe no kiin oxe a wara o ñagadilel. Xan maak waa fo saasadax maak waa fo jaajangin waa no kebil kaa Moyiis a mbañin. Xan a warel, ndaa no ñaal ndadkandeer naa xan a xontoox.»

Mark 15:1

No nqes naa, yaa mbeet naa a xoolaa, saasadax maak waa a mbokatoora fo maak waa fo jaajangin waa no kebil ke fo Mal maak ne fop, ndax da ƭaap pexey den. Yaa da ngumna a Yeesu boo a ƈut, a ƥisaan, soo a ƥoxotin a Pilaat.

Mark 14:64

Nu nana wen le ta wenna a Roog. Nam a nandu a nuun?» Fop a laya yee fa nqon soom waru no ten.

Mark 9:31

yaam kaa jangnoogu daalbe we ten, too a layaa a den ee: «O Ƥeenqe no kiin oxe xan a ɓoxotel a ndeer xa ƥay axe no wiin we. Xan a mbarin, ndaa ñaal tadik a cinj fa nqon um xan a xontoox.»

Esayi 53:3

A sibe, too wiin we a mbañin, o koor coono too a and jir, a nand fo xe wiin we a mbañaa o nga. I nqeefaan, too a ƭat in yongee no ten.

Mark 9:12

A doona a den ee: «Ndigil oo de, Eliya a wara o eet o gar, ndax ta jagandatin fop. Yaaga boog, xar taxu a Pind a Tedu ke a lay ee o Ƥeenqe no kiin oxe xan a coono mayu, soo a ñagadilel?

YEGIL MBAAX NE YEESU ne Saŋ a bindtuuna 18:32

Naaga fa lay fee Yeesu a lay’ina a fadnoortu, ye ta lalitna ne ta xonitkaa.