Mark 10:29 - NQAARIIT NE ROOG

^29-30 Yeesu a laya yee: «No ndigil, mexe layaa a nuun ee: Oxuu mi fo Yegil mbaax ne i taxna ta xaƴ mbind um mbaat maag um mbaat xa teɓ um mbaat a ya um mbaat a faap um mbaat xa ƥeem mbaat xa qol um, xan a daawatin na jamaane feeke pind fo maag fo xa teɓ fo yaay fo xa ƥiy fo xa qol boo a caf teemeed, a ñagadilange sax oo. Xan a daaw itam o ñoow o fagkeer ole na jamaane fee na garaa.

Mark 10:29 Referans Kwoze

1 Korint 9:23

Kaam fi’aa keene fop yaam Yegil mbaax ne, ndax um jeg teen a las.

Mark 8:35

Oxe na bugkaa o mucil o ñis um, xan a ñakin, ndaa oxe na ñakkan yaam mi, a ñakin itam yaam Yegil mbaax ne, xan a muclin.

Mbeeñil 2:3

Andaam itam ee saƭkaa. Xijaa yaam gon es, too dakooxiro a cinj.

Mace 10:18

Xan nu ƥisel mbaambir no gofornoor ke fo maad we yaam mi, ndax nu ndef seede na den fo no gimaƭaru we.

Mberaand 45:20

Kuu nu nqaƴna maaga, ba nu ndicooxin, yaam ke moƴna o faax no saax le Misira, nuun na njegkan.»

Mace 6:33

Eetyo mbaaƭ Maat ne Roog fo ke ta bugna, too keene fop, xan nu ndoonanel o ten.

Mace 19:29

Oxuu xaƴna mbind um mbaat maag um mbaat xa teɓ um mbaat a faap um mbaat a ya um mbaat xa ƥeem mbaat xa qol um yaam gon es, xan a daawin a caf teemeed, too xan a lam o ñoow o fagkeer ole.

YEGIL MBAAX NE YEESU ne Lik a bindtuuna 18:29

Kaa koy, Yeesu a layaan ee: «No ndigil, mexe layaa a nuun ee: Jegee o leng oxaa na xaƴkaa mbind um mbaat o teem mbaat maag um mbaat xa teɓ um mbaat we ndimuuna mbaat xa ƥeem yaam Maat ne Roog,