Mark 10:24 - NQAARIIT NE ROOG

²⁴ Daalbe waa a njaaxiɗ’a na fa lay feene lool. Kaa koy, Yeesu a dakooxa o lay a den ee: «Xa teɓandoong es, o rok no Maat ne Roog a ɗoma lool.

Mark 10:24 Referans Kwoze

Xa peƭit axe 11:28

Oxe gaɗna o ñoow um na halal um xan a jiƭtoox, jofu we mat xan a neq nen ndaxar neepu.

Mbeeñil 3:17

Kaa o layaa yee: O yaal halal refum, ñaaƴnitaa ne warna, too ñakiim tus. Andiro yee kaa o halakoox, torox, rool, fuul soo ɓangdel!

1 Timote 6:17

Maƭooxi we ndefna yaal kalal ke ndiiki, ndax magnandooxkee, too a mbañ o ƥek yaakaar den na halal fa ngenee sen. Layi a den koy, da ndoon yaakaar den na Roog, ten fee na cooxaa a in fop, a mayƭandin boo muut, ndax i mbelakinoorin.

A kim a tedu ke 52:7

Ten taxu yoo xan Roog a luƈtong boo kili, a naagong nuus, a suqtong no ƭiif of soo a suudong no lanq ke no ñoow we. A maaf

YEGIL MBAAX NE YEESU ne Lik a bindtuuna 16:14

Farisiya we a nan-gilooxa fa lay fee Yeesu fop, too kaa nqaadnooxoogun, yaam ne da mbex’ina xaaliis.

Xa peƭit axe 18:11

O jeg ole no yaal halal oxe refu teeru fa njegu saŋe um, ta foog ee a ƭing a saƭku koŋ oo no ten.

A kim a tedu ke 62:10

A woora yee xa ƥiy Aadama nqeñ doŋ a ndefu, xa ƥiy no kiin a ndef cegeer. Den fop a meɗnooxange, a moƴ o yelef nqeñ ne.

1Saŋ 2:1

Xa teɓandoong es, kaam bindaa a nuun keene, ndax nu mbakaadkee. Kaa koy, o kiin a bakaadangaa, i njega o paafarit paam Faap fee, ta ref Yeesu Kiristaa, o cofu xe.

YEGIL MBAAX NE YEESU ne Saŋ a bindtuuna 13:33

Nuun we xa teɓandoong es, miñkatiim dara fa nuun. Xan nu mbaaƭaam, too ne laytanuuma Yaawuur we, mexe layaa a nuun itam ee: Nu mbaagkee o ndet me um jofaa.

Sofoni 1:18

Xaaliis den mbaat wurus den mbaagkee mucil a den, na bes fee no fuux le no Yaal oxe. Xan fiɗel le no naal ne ten a raaɓ adna fa muum, a saŋik a den ndak fo ndak.

Habakuk 2:9

Sabab took no xe na fokatanaa mbind um halal fa leweer, a fi ngenand um took-ee-took, ndax ta daɗ taamaala kuu ndefna!

Yeremi 9:23

Kaa koy, fat oxe bugna o fakoox, a fakoorit kene: O jeg-yiif fo o andaam, yaam mi refu o Yaal oxe na fesoortaa o paaxel, a ƭat fo o cofel took lanq ke. Keene soom felaxam.» O Yaal oxe layun.

Xa peƭit axe 23:5

A kid of a ngaanangaa teen, ta naag mes, yaam halal o mat kaa saxaa a nafir, a yet fir farna fa asamaan nen a canjiik.

A kim a tedu ke 17:14

O Yaal oxe, muclitaam o ɓay of no wiin we, no wiin we na adna fene, a las den a refna no ñoow olene. Kaa o mayƭandtaa xa pud den ke geekoona, xa ƥiy den a ndeyƭoox teen soo a nqaƴan xa caaƈ axe den ke da mbaaskaa gañ.

1Saŋ 5:21

Xa teɓandoong es, mbootooxyo o mbaɗoox ke refeerna Roog.

1Saŋ 4:4

Nuun xa teɓandoong es, na Roog nu mbogu, too nu maafa duleer maamaaɓ weene, yaam oxe refna na nuun hupu oxe refna na adna fee.

Galati 4:19

Xa ƥees, xam dak o yegaa coono nen xa ƭomel gaaj yaam nuun, boo yaa nu nandkaa fa Kiristaa.

YEGIL MBAAX NE YEESU ne Saŋ a bindtuuna 21:5

Yeesu a laya a den ee: «Xa koor, kaa nu njegee kaa nu ñaamna?» A ndoona yee: «Ha’aa.»

YEGIL MBAAX NE YEESU ne Saŋ a bindtuuna 6:60

Yaa mayu no daalbe we Yeesu a nanna a ƭelem akaaga, a laya yee: «Heey! Fa lay fene a ñexeta koy! An waagu waag o moof sax tee kaa o nan-gilooxan?»

Mace 19:25

Yaa daalbe waa a nanuuna, a njaaxɗa lool, too a lay ee: «Yaaga boog, an waagu o muc?»

Mark 1:27

Wiin waa fop a ndiid’a, a ndefat no laamtiraa yee: «Xar kene? A cangin a qas alaa yoonna fa sañ-sañ! O kiin oxene kaa heblaa cini ke sax, too kaa nananan.»

Mark 10:23

Yeesu a geleerooxa, a lay daalbe um ee: «Xan yaal kalal ke a ƭom o ndok no Maat ne Roog.»