Mark 10:14 - NQAARIIT NE ROOG

¹⁴ Yaa Yeesu a ga’na kaaga, a ɗom’aan, too a laya daalbe we ten ee: «Nqaƴyo xa teɓandoong axe da ngar me mi. Ba nu mbañit a den, yaam we nandna fa den njegu Maat ne Roog.

Mark 10:14 Referans Kwoze

Mace 19:14

Yeesu a laya a den ee: «Nqaƴyo xa teɓandoong axe! Ba nu mbañit a den da ngar me mi, yaam we nandna fa den njegu Maat ne na asamaan.»

Mace 18:10

«Mbootooxyo o nqeef o leng na xa teɓandoong axene. Mexe layaa a nuun ee: Waxtu fuu refna malaaka kaa den ndefna kam asamaan kaa nga’aa a tagid Faap es fee na asamaan. [

Mace 18:4

Ten taxu oxuu neewandooxna boo nen o ndeɓandoong onqene, xan a ref oxe hupna no maat ne na asamaan.

1 Piyeer 2:2

Nandyo nen xa qeq axaa sogeena o ndim, ñoowtaa fa lay fa nqoolu fee Roog ne da ñoowtitaa fo ɗeen, ndax nu maakaa too muc.

2 Timote 3:15

No ndeƥandoong of andto a Pind a Tedu ke. Den mbaagong o coox o and ole na ɓisaa na muc na pexey o ngim na Kiristaa Yeesu.

Mbeeñil 14:5

O maaɓ o leng mosee o sutoor no don den, yaam njegee sik fa leng.

2 Timote 1:5

Boo ndiik, weectiim o ngim o ndiindigil onqe refna na wo. O ngim onqeene a reeƭa na maam of Loyiis, a ref na Eniis fee ya of, too a wooraxam ee oxe na wo itam.

Efees 4:26

Boo nu mbuuxna, fat nu mbootoox, yaam ndik nu yen na bakaad. Baa njeeƈ ne a mudit fuux nuun muk.

1 Korint 14:20

Fog es, ngela ba nu saq yiif no ndeɓandoong. No paaxeer koy, njaɓyo o ndef xa qeq, ndaa fat nu ndef maak no Yiif le Roog,

1 Korint 7:14

Yaam o kor o kimeer oxe, o teem oxe gimna a tedlandaan, ne o tew o kimeer oxe a teditna yaam o kor um oxe gimna. A refit’angee neene, xa ƥiy den a nqoolaƭar, ndaa feek neene yoo, xa ƥiy axe a tedata.

O leetar ole Pool a bindna GIMU WE NGENNA ROM 11:28

Ne Yaawuur we a mbañna Yegil mbaax ne koy, fañ Roog a ndefatu, ta ref na nuun paax, nuun we ndefeerna Yaawuur. Kaa koy, ne Roog a jilna a den, a maada o fexaa a den boo xaye yaam daan we den,

O leetar ole Pool a bindna GIMU WE NGENNA ROM 11:16

Boo andoona yee, o ɗeg o eetaand mbuuru a ɓoxote a Roog, ke na yoqaa no mbuuru ne fop, Roog jegun itam. Neene itam, a paƴ ndaxar a ƥoxotange a Roog, a naaq ake ndeyaand o ne.

A pi ake 3:25

Nuun ndefu xa ƥiy axe no duleer we, too nu mboga no ngiɓoor ne Roog a dalin’ina fo daan we in, ye ta layna a Abraham ee: ‹O ndaan of a cur barke a refkaa no ƥasil ke na adna fee fop.›

A pi ake 2:39

Yaam a tegit ale, nuun njegun, nuun fo xa ƥiy nuun. We o Yaal oxe Roog in a xoykaa fop itam too a ngoƭ, a mboga teen.»

Mark 8:33

Kaa koy, Yeesu a geleerooxa, a ɗeet daalbe waa ten, a xasan a Piyeer, too a lay ee: «Saytaane, riƈatooxaam! Yaam a qalaat of mbogree fo a qalaat Roog, a qalaat no kiin oo.»

Mark 3:5

Naaga, Yeesu a ɗeeta a den fop, too a fuux. A naqadiloox’a sax yaam a qeeñ a saƭku ke den. A laya o koor oxe yee: «Letni o ɓay of.» A letnaan, too o ɓay um a woda boo ceŋ.

Esayi 65:23

Nqijkatee na kasaara too ndimkatee xa ƥiy da nqonaa na kid den, yaam kaa ndef ƥasil naa barke’uuma, den fo xa ƥiy den.

A kim a tedu ke 78:4

i ƭasinkiran xa taan den, ndaa xan i ndaawin suk ne na garaa a tagas no Yaal oxe fa katil um fo comlaand ke ta fi’na.

A cangatin ale 4:37

Yaam ne ta fex’ina daan nuun taxu ta jil a nuun we xa taan den a cinj den soo a sutit a nuun Misira fa katil fa maak um.

A lim ale 14:31

Xa teɓandoong nuun axe nu layna koy ee xan a njaɓel, xam rokin a den no saax leene nu sibna, da njegkin.

Mberaand 17:7

Xam dam ngiɓoor ne a ndeer es fa wo, damin a ndeer es fo xa taan of axe na ndeefankang, reefandin no suk den. Xan a ref ngiɓoor naa na refkaa boo faw, naa um refkaa Roog of fo Roog na xa taan of.

1 Sami’el 1:22

No jaf laaga koy, Xaan ret’ee, yaam kaa lay’u a Elkana fee o kor um ee: «Kaam cungkaa boo o nqeq onqe a roɓ, um ɓisin Silo mbaambir no Yaal oxe, soo ta yoq maaga boo kili.»

1 Sami’el 1:11

A regta too a lay ee: «O Yaal oxe, wo fee Hupna fop, a soƥangaa yee a kid of a ndoonooxa took es, mi fee naqadilooxna, ƴufgaam. O weecangiraam, mi fee o ceefeer of, ci’aam o ƥiy o ngoor, yaaga xam kesanong o ten no ñoow o ñis um fop, too ruusooxkee boo muk.»

Mace 5:3

«We ñakna halal yiif a ƭaaya, yaam Maat ne na asamaan den a refanu!

Mace 5:10

We na ñagadileel yaam o cofel ole Roog a ƭaaya, yaam Maat ne na asamaan den a refanu!

YEGIL MBAAX NE YEESU ne Saŋ a bindtuuna 3:3

Yeesu a doonaan ee: «No ndigil, no ndigil, mexe layang ee: O kiin waagee o ga Maat ne Roog a refangee kaa rimel o rimel o xas olaa inoorna na asamaan.»

YEGIL MBAAX NE YEESU ne Saŋ a bindtuuna 3:5

Yeesu a doonaan ee: «No ndigil, no ndigil, mexe layang ee: O kiin waagee o rok no Maat ne Roog, too rimtaand foofi fo Yiif le Roog.

Yosuwe 8:35

No ke Moyiis a heblit’ina fop, yoq’ee teen dara kaa Yosuwe a jangeerna mbaambir mbokatax ne Isra’el fop boo no rew we fo xa teɓandoong axe fo xa kataakoon axe ngenoogna a ndeer den.