Mark 1:7 - NQAARIIT NE ROOG

⁷ A waare’ooga, too a layaa yee: «Oxe na reefaniidaxam moƴaxam o jeg doole, too ƴuug fekit xa ñaaƭ um sax a jombaxam.

Mark 1:7 Referans Kwoze

A pi ake 13:25

Ye Saŋ a faambirna fo a pe um, kaa layoogu yee: ‹Refiim oxe nu mboogtaxama. Kaa koy, a jega oxaa na reefaniidaxam, too o wolanin xa ñaaƭ um sax a jombaxam.›

YEGIL MBAAX NE YEESU ne Saŋ a bindtuuna 1:27

Ten refu oxe na reefaniidaxam, too fekit xa ñaaƭ um sax a jombaxam.»

YEGIL MBAAX NE YEESU ne Lik a bindtuuna 3:16

Kaa koy, Saŋ a laya a den den fop ee: «Mi, mexe batiise’taa a nuun foofi, ndaa oxe na garaa moƴaxam o jeg doole, too fekit xa ñaaƭ um sax a jombaxam. Ten o mat, xan a batiise’it a nuun Yiif Tedu le fa fiɗel.

Mace 3:11

Mi, mexe batiise’taa a nuun foofi, ndax ta lalit ee nu mbesa pakaad nuun a cinj, ndaa oxe na reefaniidaxam moƴaxam o jeg doole, too o wolanin xa ñaaƭ um sax a jombaxam. Ten o mat, xan a batiise’it a nuun Yiif Tedu le fa fiɗel.

Mace 3:14

Saŋ koy, jaɓ’ee too a laya yee: «Mi soxla’u o batiise’aam, soo o garaa me mi!»

1 Sami’el 25:41

Abigayil a dalfooxa o gooknoox, a gung a lanq soo a lay a den ee: «Jaɓaam o ref o ceefeer no yaal es Dawid, jaɓ sax o ɓoganaa dag we ten a caf!»

Mark 1:6

Saŋ ndoki naa fi’teena a ƥiñ ngeeleemb a rokooxoogu, a saqaa o kumnoor ƭool no ndet um. Soƈ fo suum ke na xa yulumbuum axe a ñoowtoogu.

Mark 1:8

Mi, mexe batiise’taa a nuun foofi, ndaa ten o mat, xan a batiise’it a nuun Yiif Tedu le.»

A pi ake 19:4

Pool a laya a den ee: «We njaɓ’ina o mbes pakaad den a cinj, Saŋ a batiise’oogu. Kaa layoogu xeet fee da ngim no xe na reefankan, ta ref Yeesu.»