Mark 1:40 - NQAARIIT NE ROOG

⁴⁰ Maaga, o yaal a tik-a-maak a gara maa Yeesu, a gooknoox mbaambir um. A ƴufginooxaan, a layin ee: «A felangaang, waagaxamo o xooland.»

Mark 1:40 Referans Kwoze

Mace 17:14

Yaa Yeesu fo daalbe daduk waa a mbadiidna paam faan maak laa, o koor a gara, a gooknoox mbaambir Yeesu, a layin ee:

2 Sami’el 3:29

Yaasam fo’oy le Abineer a yen took Yowab fo o kurcala um fop! Yaasam baa o kurcala le Yowab a ñakat waa mbaambir den a yuuraa mbaat yaal a tik-a-maak mbaat xa lafañ! Yaasam baa o kurcala um a ñakat waa mbarteena laƥ fo waa njegeerna ñaamel!»

Mark 10:17

Yaa Yeesu a refna na ƭat a retaa, o koor a ƴufiida me ten, a gooknoox mbaambir um, too a laamtin ee: «O Caajangin o paax oxe, xar helum o fi, ndax um lam o ñoow o fagkeer ole?»

A pi ake 7:60

Cinj kaaga, a gooknooxa, a wuuq a maak, a lay ee: «O Yaal oxe, ba o damit a den bakaad fene.» Cinj a ƭelem akaaga, a ɓuta.

YEGIL MBAAX NE YEESU ne Lik a bindtuuna 22:41

Maaga, a reta koƭu ngap maa ɗak laa deɓeena a waagna o day, a gooknoox, a xeɗ a Roog,

Mace 11:5

Fuul we owe nga’aa, ɓoof we a ñaaƴaa, we njegna a tik-a-maak ale a nqoolandeel, ram we a nanaa, xon we a nqontooxaa, soo Yegil mbaax ne a yegneel rool we.

2 Maad we 15:5

O Yaal oxe a xawta o maad Asariya a tik a maak, too ten a refit’u boo neen a xonu. No mbind naa sayooxna a gen’atu, soo Yotaam fee o ƥeem adooxan’ina mbind no maad ne a ɗoxaa xeet fee no saax le.

2 Maad we 7:3

A jeg’a paam o don-maax olaa na teeru faa goor nahuk waa saqna a tik a maak. A layra a ndeer den ee: «Ndax kaa i moofkaa mene boo yaa i nqonitna meen?

Mberaand 18:14

Ndax a jega kaa xoxna o Yaal oxe. Xam nomtooxiid meen na waxtu feeke mbaan, too xam soƥ Saara a jeg o ƥiy o ngoor.»

Efees 3:14

Ten taxu mexe gooknooxaa mbaambir Roog Faap fee.

2 Caloori ke 6:13

Salomo kaa fi’in’u ndaalaand xanjar, a diƈin ndeer o maax ole no Mbind Roog ne. O cigdel ole no ndaalaand neene a reeƭa xa noonoong xa ƥetaq, o yaajel um a ref xa noonoong xa ƥetaq soo geel um a ref xa noonoong xa tadaq. Salomo a ŋaaya teen, a gooknoox mbaambir mbokatax ne no Ii-isra’el we fop, a letin xa ƥay um farna fa asamaan soo a xeɗ ee:

Mark 1:41

A yuɗ’a a Yeesu lool. A letna o ɓay um, a duqin, too a layin ee: «A felaxam, xooli!»