Mark 1:4 - NQAARIIT NE ROOG

⁴ Saŋ a feeña kam a koƥ-a-ƥor alaa, a batiise’aa, too a waare’aa yee: «Mbesyo pakaad nuun a cinj, mbatiise’el, too xan Roog a waasan a nuun.»

Mark 1:4 Referans Kwoze

YEGIL MBAAX NE YEESU ne Saŋ a bindtuuna 3:23

Saŋ o mat, oxaa batiise’tooga Enon paam Saliim, yaam maaga kaa may’u foofi lool, too wiin a ngarooga ndax da mbatiise’el.

Mace 3:6

Saŋ a batiise’ooga a den kam Yordaan, yaa da mbeejilna pakaad den boo a ƈut.

YEGIL MBAAX NE YEESU ne Lik a bindtuuna 1:77

Xan o andnoor xeet um ee xan a mucil a den na pexey a baasan pakaad den. yaa da mbaasnooxna pakaad den.

A pi ake 22:16

Ndiiki koy, xar o cungaa? Inooxi, too batiise’el, ndax pakaad of a ƥogel yaa o ƴufginooraa gon le ten.› »

A pi ake 10:37

Nu anda ke xew’ina kam o jegel olaa Yudee fop. Keene kaa inoor’u na Yeesu o Naanasaret oxe ye ta jangoorna Galile, a soƥ Saŋ a waare’aa, a batiise’aa. Nu anda itam ne Roog a ɗuumit’ina a Yeesu feene, a soɗin Yiif Tedu le, ta retaa a ndeer saax fo saax, a fi’aa paax, too a wodandaa we ndeeƭna no mbaƭ ne no ƈiƴ oxe, yaam ne Roog a reeƭna fo ten.

Mace 3:11

Mi, mexe batiise’taa a nuun foofi, ndax ta lalit ee nu mbesa pakaad nuun a cinj, ndaa oxe na reefaniidaxam moƴaxam o jeg doole, too o wolanin xa ñaaƭ um sax a jombaxam. Ten o mat, xan a batiise’it a nuun Yiif Tedu le fa fiɗel.

Mark 1:5

Wiin we no jegel ole Yudee fo we ngenna Yeerusaleem fop a ndetooga maa Saŋ, too a batiise’ooga a den kam o xuluɓ ole Yordaan, cinj yaa da mbeejilna pakaad den.