Mark 1:35 - NQAARIIT NE ROOG

³⁵ No feet olaa ƥiiɓ teel, a soƥ ta maad o niɓaanaa, Yeesu a inooxa a sutoox mbind naa. A reta boo tafil saate faa no mbiñ o mbootu, soo a ref no xeɗaa.

Mark 1:35 Referans Kwoze

YEGIL MBAAX NE YEESU ne Lik a bindtuuna 6:12

Na pe akaaga, Yeesu a reta took o joong olaa ndax ta xeɗ. A fe’a no xeɗaa a Roog boo neen a feedu.

Efees 6:18

Mbi’yo keene fop, yoonandtin a qeƭ, nqeɗaa o ndimle Roog na pexey Yiif le. Saƭikyo no keene boog, ngen teen, too nqeɗanaa tedu we fop.

YEGIL MBAAX NE YEESU ne Lik a bindtuuna 5:16

Kaa koy, Yeesu a inooxooga, a ret o mbiñ o mbootu, ndax ta xeɗ.

A kim a tedu ke 5:3

Roog o maad es, nan-gilooxaam yaa um falalooxang, yaam wo o mat um xeɗaa.

Hebre 5:7

Kam o ñoow um na adna fee, Kiristaa kaa xeɗoogu a Roog fee waag’uuna o mucil na fa nqon, a yoonandtin xa iin fo xa kooniit. Roog a jaɓa a qeƭ um, yaam ne ta ɓoxotoox’ina no ten.

YEGIL MBAAX NE YEESU ne Saŋ a bindtuuna 6:15

Yaa Yeesu a andna koy ee kaa mbugin o ngif, a ndodkin o maad, a dalfooxa o inoox, a ret no joong olaa, ten doŋ.

Mace 14:23

Yaa ta nomitna wiin waa, a ŋaaya no joong olaa ten doŋ ndax ta xeɗ. Yaa ta yaarna, a woot’a maaga.

Filip 2:5

Mbogyo a qalaat ake ndeeƭna na Kiristaa Yeesu, ne ta layteena yee:

YEGIL MBAAX NE YEESU ne Saŋ a bindtuuna 4:34

Kaa koy, Yeesu a laya a den ee: «Ñaamel es refu um fi’aa ke oxe lulaxama a bugna, soo fadin calel um.

A kim a tedu ke 109:4

Ke fexuuma a den fop oo, kaa njambaxam, ndaa yaqanee um ref no xeɗaa doŋ.

Mace 14:13

Yaa Yeesu a nanuuna, a inoora maaga fo suk, soo a riƈatoox boo no mbiñ o mbootu. Yaa wiin waa a nanuuna, a sutoora no teeru kaa, a ndeefanin fo xa caf den.

Mark 1:36

Simoŋ fo yoon um a ndeta a mbaaƭkin.