Mark 1:20 - NQAARIIT NE ROOG

²⁰ Ndak fo ndak, Yeesu a xoya a den, too a nqaƴa a Sebede fee faap den fo jaajal waa kam suk naa, a ndeefanin.

Mark 1:20 Referans Kwoze

YEGIL MBAAX NE YEESU ne Lik a bindtuuna 14:26

«Oxuu bugaxama o reefan, too moƴaninum a faap um mbaat a ya um mbaat o teem mbaat xa ƥeem mbaat maag um mbaat xa teɓ um mbaat o ñis um sax, waagkee o ref o taalbe es.

Mark 10:29

Yeesu a laya yee: «No ndigil, mexe layaa a nuun ee: Oxuu mi fo Yegil mbaax ne i taxna ta xaƴ mbind um mbaat maag um mbaat xa teɓ um mbaat a ya um mbaat a faap um mbaat xa ƥeem mbaat xa qol um, xan a daawatin na jamaane feeke pind fo maag fo xa teɓ fo yaay fo xa ƥiy fo xa qol boo a caf teemeed, a ñagadilange sax oo. Xan a daaw itam o ñoow o fagkeer ole na jamaane fee na garaa.

Mace 10:37

Oxuu fexna a faap um mbaat a ya um kupu ke ta fexaxama, jombaanum. Oxuu fexna o ƥeem o ngoor mbaat o ƥeem o ndew kupu ke ta fexaxama, jombaanum.

2 Korint 5:16

Ndiiki koy, i ƭeettatee o leng ngiin um. Ke i ƭeet’ina a Kiristaa nen o kiin fop oo, i andtatiran neene.

1 Maad we 19:20

Maaga, Eliise a xaƴa cegel kaa a ƴufiid a lay a Eliya yee: «Ci’aam um farakook a faap es fa ya es, cinj kaaga um reefanong.» Eliya a doonaan ee: «Reti too gar, yaam andaa ke fi’oonga.»

A cangatin ale 33:9

Wo moƴanu a den a faap den fa ya den, fog den fo xa ƥiy den. A nana kebil of, a ngay ngiɓoor of fa den.

Mark 1:19

Yaa Yeesu a retna boo a yaac o goƭ, a ga’a xa ƥiy axe Sebede ndefna Saak fa Saŋ fee o ndeɓ um. Kaa ndeeƭu kam suk den, a nqendandaa paal den.

Mark 1:21

Yeesu fo daalbe we ten a ndeta na teeru faa Kapernawum, too yaa bes fee na ñootnax ale a fadiidna, a roka kam mbind a qeƭ naa, a jangnaa.

YEGIL MBAAX NE YEESU ne Lik a bindtuuna 5:11

Yaa da lafna boo a sutoox na tambando faa, a nqaƴa fop ke da mbi’oogna, soo a ndeefanin.