Malaki 3:2 - NQAARIIT NE ROOG

² Ndi an na hatilkaa bes feene ta garkaa? Kaam ee an na geenooxkaa naŋ, yaa ta feeñna?, yaam kaa nand fo fiɗel no paal o qaaxaw soo a ran-gandaa taw nen xeme.

Malaki 3:2 Referans Kwoze

Sakari 13:9

Aleene seek koy, xam ɓekin na fiɗel, jawtin ne xaaliis a jawteel, xoolandin ne wurus a xoolandteel. A koom, xan a ƈufginoor gon es, um jaaɓ a den, lay a den ee: ‹Nuun ndefu xeet es!› Xan a ndoonaam ee: ‹Wo o Yaal oxe, wo refu Roog in.› »

Esayi 4:4

Yaa o Yaal oxe a fortitkaa Yiif o cofel fo fiɗel ndoƭ ke na xa ƥiy xa tew axe Siyoŋ, soo a ɓogditin a Yeerusaleem no fo’oy le ɓaxuna teen,

Mbeeñil 6:17

yaam bes fa maak fee da nqawkaa a in a fadiida, too an na waagkan o haŋ?»

YEGIL MBAAX NE YEESU ne Lik a bindtuuna 21:36

Yetooxyo boog, too nqeɗaa waxtu fuu refna, ndax a koom nu njeg doole faa nu ndaɗitna keene na xewkaa fop, ngeenoox mbaambir no Ƥeenqe no kiin oxe.»

A kim a tedu ke 2:7

Kaam lambnaa ke o Yaal oxe a dalinna. A layaxam ee: «Wo refu o ƥees, xaye mi rimong.

YEGIL MBAAX NE YEESU ne Lik a bindtuuna 3:17

A saqa o lang no ɓay um, too xan a fees bele fee ten soo a geek pep ke. Xan a dox ñaax le kam fiɗel laa ñufkeerna boo muk.»

YEGIL MBAAX NE YEESU ne Lik a bindtuuna 3:9

Ndiiki, ɓaax le a sipe na puƭ ake no taxar ke. Ndaxar nuu rimkeerna xa tim xa paax xan a godel, a deɓel kam fiɗel laa.»

Mbeeñil 2:23

Kaa jolna keene, xam xawit xa ƥeem fa nqon. Neene, xan pokatax ke no gimu we fop a and ee mi refu oxe na horooxaa a pug fo a qalaat a ƭasu ke no wiin we, too xam ɓoxot o kiin oo kiin ke ta jalna.

Hebre 12:25

Yetooxyo boog! Ba nu mbañ o nan-giloox oxe na layaa fa nuun. We mbañ’ina o nan-giloox oxe cooxoogna a den yaaga a maƭax a katu na Roog, ndaɗ’ee a qaw ale. Yaaga boog, i mbaagkee o ndaɗ, yaa i mbesna a cinj oxe fodna took asamaan, a layaa fa in.

YEGIL MBAAX NE YEESU ne Saŋ a bindtuuna 8:55

Mi koy, andaanum, too um layangaa yee andinum oo, xam nandat fa nuun, ref o maamaaɓ. Andaanum tigi, too mexe gayaa fa lay um.

YEGIL MBAAX NE YEESU ne Lik a bindtuuna 2:34

Simewon a barke’a a den, too a laya a Mari fee ya Yeesu yee: «O ƥiy onqene kaa maafiid too a yoɗiid wiin mayu na Isra’el. Xan a ref o anddiloor olaa na ɓisiidkaa njuumoor.

Yeremi 2:22

O ɓogoorangaa ke na ran-gandaa sax oo mbaat o jiriiñoor a saafu mayu, gak le no tooñ of xan a maadaa mbaambir es. Mi o Yaal oxe na refkaa boo faw layun.

Esayi 1:18

O Yaal oxe kaa tee: «Ngaryo i layoor. Pakaad nuun a yaxgangaa nen fo’oy, xan a ndanig taw nen galam fo jem, a yaxgangaa coy, xan a ndanig fur nen fa liit.

Mace 25:10

Yaa da njikkaa, o kor-no-kulook oxaa a fadiida. Waa njagandoox’ina a ndoka fo ten na ndok alaa no ngulook naa, too begax naa a wege.

Mark 9:3

Toki um a meleƈa, a ndanig fur. Jeg’ee koy took lanq ke o suusuup o leng oxaa waagna ran-ginit naaga toki.

Heseki’el 22:14

Ndax xan njambaar of a maadaa? Ndax xa ƥay of xan a saƭik a koom alaa um inooxankang? Mi o Yaal oxe layun too xam fadnin.

Mbeeñil 19:8

A ci’e maa ta rokooritna sooy yelefu. Ndoki neene koy kaa meleƈaa too a xool qac.» Sooy yelefu neene kaa ref a pi a cofu ke no we mbogna na Roog.

Mbeeñil 7:14

Doonaanum ee: «O yaal es, mee ndax wo andun.» Maaga, a layaxam ee: «Den ndefu we inoorna no ñagadil ƭomu naa. Kaa ndap toki den, a ndan-ginit a den fo’oy le no Mbaal onqe.

YEGIL MBAAX NE YEESU ne Lik a bindtuuna 7:23

Oxuu tolofkeerna yaam mi a ɗaaya.»

1 Sami’el 6:20

Wiin we Bet-Semes kaa layoogu yee: «An waagu boog o geenoox mbaambir no Yaal oxe, Roog fa tedu fene? Ndi maa an a xotkaa, yaa ta inoorna me in?»

A kim a tedu ke 76:7

Wo Roog fee Yakoob, ye ŋaloona a den, ŋaaŋaay fo pis den fop a nqona.

A kim a tedu ke 130:3

O Yaal oxe, boo geek’oona no yiif of tooñ ke, o Yaal oxe, an daɗkoogu hate of?

Xa peƭit axe 25:4

Boo xaaliis a xoolandeena no ndoƭ ke ten, o qaaxaw oxe a waaga jal teen a tokol.

Esayi 33:14

Baabakaad we owe ndiidaa kam Siyoŋ, jofaƭaru we a sendaa, a ndamtin ee: ‹An na in na waagkaa o moof kam fiɗel le na raaɓaa? An na in na waagkaa o moof kam ƈulfaan ñufkeer ne?›

Dañel 11:35

Leng-leng no we njegna o and xan a mbarel, soo fa nqon den a ref kaa na xoolandaa xeet fee, a ɓogdan soo a ran-ginan, boo muukandoong ne a helko fo garaa, yaam hap fee fadafulee.

Yowel 2:11

O Yaal oxe xe fangnaa o ñuxur um mbaambir xiixire um. A yaj um kaa magin lool, we na mbadnaa fa lay um a njeg doole. Ñaal ne no Yaal oxe kaa magin too a saɗarnoox. Ndi, an na waagkan o haŋ?

Nahum 1:6

Ndi an waagu geenoox, yaa ta fuuxna? An waagu waag o foñ fuux ɗomu le ten? Ngañak ne ten kaa biltooxaa nen fiɗel, soo a ƥil ake a qaacooxaa mbaambir um.

Mberaand 19:28

A deɓa a kid um farna fa Sodoom fa Gomoor fo no jegel ole na xa saawit axe fop, soo a ga fo suun olaa nandna nen fo suun ndoxan a yoɗoortaa no lanq ke.

Ke bindeena no xe ne’eena YOB 28:1

A jega maa xaaliis fee a xotteel, wurus fee a jeg maa ta siɗteel.