Malaki 3:1 - NQAARIIT NE ROOG

¹ Mexey heblaa oxe luluuma ta adooxaam, a holtanaam a ƭat. No miñeer o Yaal oxe nu mbaaƭaa xan a rokiid ndeer ñaf fo ƭeet kam Mbind Roog ne ten, Malaaka fee no ngiɓoor ne nu cungaa oxey garaa. Keene o Yaal oxe Hupna fop a layu.

Malaki 3:1 Referans Kwoze

YEGIL MBAAX NE YEESU ne Lik a bindtuuna 1:76

Wo o mat o ƥees, xan o xoyeel o tuleer no xe Took-ee-took. Xan o ñaaƴaa mbaambir no Yaal oxe, ndax o jagandanin a ƭat um.

Esayi 63:9

Kam naqad den fop, refee oxaa luleena mbaat malaaka, ndaa mukit um sax sax muclu a den. Ten fa xoox um a wata a den no mbeq um fo na yirmande um. A meeɓa a den soo a gadoox a den no ñaal ke yaaga fop.

A pi ake 19:4

Pool a laya a den ee: «We njaɓ’ina o mbes pakaad den a cinj, Saŋ a batiise’oogu. Kaa layoogu xeet fee da ngim no xe na reefankan, ta ref Yeesu.»

Malaki 2:7

Ke o saasadax oxe a cungteel refu ta andnoor wiin we a Roog, too no don um a cangin ale a waru o sutooraa, yaam kaa ref o tuleer no Yaal oxe Hupna fop.

A sutax ale 23:20

«Xam luliid malaaka ta adooxan a nuun soo a saytoox a nuun na ƭat ale. Xan a ɗox a nuun boo no saax le jagandanuuma a nuun.

YEGIL MBAAX NE YEESU ne Lik a bindtuuna 19:47

Na pe akaaga fop kam Mbind Roog naa a jangnoogu, too saasadax maak waa fo jaajangin waa no kebil ke fo kelfa kaa na xeet faa a mbaaƭooga maa da mbartuuna.

A kim a tedu ke 110:1

A kim a tedu laa fogna na ke Dawid oo. O Yaal oxe a laya o Yaal es ee: «Moofi na ñamaak es, boo yaa fi’uuma fañ we wo me o dakaa.»

A pi ake 7:38

Moyiis feene geenooxoogu paam xeet fee mbokatoor’ina na koƥ-a-ƥor alaa. Ten reeƭu o ndok-a-ndeer ndeer malaaka ne layoogna fo ten no Joong olaa Sinayi fo daan we in. Ten o mat daawu fa lay fa ñoow, ndax ta cooxin a in.

Esayi 9:6

Sañ-sañ um kaa magin, too jam fee xan a gen cay took uum-maamaad le Dawid fo no maat um. Xan a sinjtel soo a saƭkandtel a ƭat fo o cofel, ndiiki bo na moos boo moos. Keene o mat o Yaal oxe Hupna fop a fi’kaa kam o mbeq o naalu nqe ten.

Esayi 7:14

Ten taxu o Yaal oxe fa xoox um xan a ci a nuun o anddiloor. Xan o toog oxaa andeerna adna a ref fo fud, too xan a ñoot o ƥiy o ngoor onqaa ta ne’kaa Imanu’el tekitna Roog oxey fa in.

YEGIL MBAAX NE YEESU ne Lik a bindtuuna 2:46

Yaa da njegna ñaal tadik, a ngara a soƥin ta moof kam Mbind Roog ne a ndeer no jaajangin we no kebil ke, a nan-gilooxaa, too a laamtaa a den.

YEGIL MBAAX NE YEESU ne Lik a bindtuuna 2:38

Yaa ta fadiidna ten itam na waxtu faaga, a simatooga a Roog, too a layaa kaa farna na Yeesu paam wiin we cungoogna a bat ale Yeerusaleem.

YEGIL MBAAX NE YEESU ne Lik a bindtuuna 2:11

Kam o yeng olene, na teeru faa Dawid, nu ndimane o Muumucil. Ten refu Kiristaa, o Yaal oxe.

Mace 11:14

Nu mbugangaan o and a paax, ten refu Eliya fee war’ina o gar.

Safe le no tuleer AGE 1:13

Cinj kaaga, Age fee o tuleer no Yaal oxe a layanaan xeet fee yee: «Mexey fa nuun. Mi o Yaal oxe layun.»

Malaki 2:4

Xan nu and boog ee mi o Yaal oxe Hupna fop, kaam coox a nuun a maƭax aleene, ndax ngiɓoor ne mi fa Lewi a maadaa.

A sutax ale 23:21

Fat nu mbootooxin, nananin a paax, too ba nu naqadilin. Waasankee a nuun njofaƭar nuun, yaam gon le mi a bugko ñaaƴtaa.

Esayi 40:10

O Yaal oxe na refkaa boo faw oxey a garaa, a yoon fa katil, too xan o ɓay um a maadoox. Xan a yoontiid tabid um, soo ke ta jalna a adooxanin.