Malaki 2:2 - NQAARIIT NE ROOG

² Nu nan-gilooxangee, nu njaɓangee o niw gon es fo xeeñ nuun fop, xam saloox a nuun soo saloox parke ke nu ndaawna. Ii, xam saloox a den, yaam nu niwiraam fo a qeeñ nuun fop.

Malaki 2:2 Referans Kwoze

Mbeeñil 14:7

Kaa layoogu fo o ñuxur o maak ee: «Saɗaryo a Roog, too ƥoxotin o ndam, yaam waxtu fee na hate fee ten a fadiida. Fat nu mbaɗoox oxe sakna asamaan fee fo lanq ke fo o maag ole fo xa quluɓ axe.»

YEGIL MBAAX NE YEESU ne Lik a bindtuuna 17:18

Boo wo fee refna o kenar sax, o nomtooxiid boo waag o ɓoxotaa a Roog o ndam?»

A kim a tedu ke 69:22

A yipanaxam xa tim ndali no ñaamel es, soo ye hoɗomeema, da cooxaam bineegar.

1 Piyeer 4:11

Nuun waawaare we, fat a ƭelem nuun a njagir fo fa lay fee Roog. Nuun we ndefna diidimle itam, fat nu ndimle’taa fa doole fee Roog a cooxna a nuun, ndax no kuu ta waagna waag o ref, Roog a ɓoxotel o ndam na pexey Yeesu Kiristaa fee jegna o ndam fa katil bo na moos boo moos. Amiini.

Malaki 3:9

A salax ake kaa ndaabaa a nuun, yaam ne nu nguuɗaxama, nuun saax le fop!

Heseki’el 3:7

Kaa koy, mbind Isra’el njaɓkirang o nan-giloox, yaam njaɓiraam o nan-giloox, mbind Isra’el fop kaa saƭik a qoox too a ndir a qeeñ.

Mbeeñil 16:9

A sumaan a ƭomu a doxa wiin we. A ndefata no mbenaa gon le Roog fee jegna sañ-sañ, too a pokoox taamaala keene. A mbañ’a o mbes pakaad den a cinj, a mbañ o ƥoxot a Roog o ndam.

Safe le no tuleer AGE 1:9

Kaa nu yaakaaroogu mayu, ndaa o ndik rek nu ndaawu, ngeeraa saxade nuun, soo um wuuɗ took um. Mi o Yaal oxe Hupna fop kaam laamtaa a nuun ee: Xar garu fo keene? Mbind ne mi yaqooxna, soo oxuu refna na nuun a ƴufanaa mbind um, garu fo ten.

Safe le no tuleer AGE 1:6

Kaa nu nduufaa mayu, ndaa o ndik rek nu saxadaa. Kaa nu ñaamaa, ndaa nu ngiñkee, yeraa too nu nqeƴkee, ndokooxaa, ndaa taxkee a cogoñ nuun a wat, soo ndabid no caajal oxe a kasaara’ooxaa, nen yaa ta reeƭna kam nafa yulu.

Yeremi 34:17

Ten taxu, mi o Yaal oxe um lay a nuun ee: Nu nan-gilooxiraam, ndax oxuu refna na nuun a yegnit a bat ale no pog um fo no kend um. Yaaga koy, mi o Yaal oxe, mexe yegnitaa yee xam waas xire fee, piste fee fo biim le, da yen took nuun, ndax maat ke na adna fee fop a ndiid, yaa da nga’kaa a nuun.

Esayi 57:11

Ndi an saɗaroogo boog, an fit’o boo a tax o maaɓaxam, fañ o xalaatataam soo weecaam? Andum ne maar’uuma o don es yaaga boo fa ndiik taxu saɗariraamo.

Esayi 47:7

Kaa o layoogu yee: ‹Xam ref lingeer boo kili.› Keene xew’ina haal’irang, too yiif of galag’ee muj um.

Esayi 42:25

Ten taxu o Yaal oxe a fudin took xeet um fuux ɗomu le ten fa xire fa ƭomu. Ƈulfaan kaa mbidin muu refna, ndaa taxee ta and, o dox ole a daawin, ndaa haaliran.

Yosuwe 7:19

Yosuwe a laya a Akaan ee: «O ƥees, ɓoxoti o Yaal oxe Roog fee Isra’el o ndam, niwin too layaam ke fi’oona, fañaam o ɗas dara.»

Xa peƭit axe 3:33

A salax ake no Yaal oxe wey kam mbind ne no soxodu xe, ndaa kaa barke’aa ngenand no jofu we.

Malaki 2:1

O Yaal oxe Hupna fop kaa tee: «Ndiiki koy nuun saasadax we, nuun njegu a maƭax aleeke: