Malaki 1:8 - NQAARIIT NE ROOG

⁸ Boo nu sadaxiidaxama njegel mbuulu, ndax keene faaxa? Kaam ee boo nu ƥoxotiidaxama njegel nqaru mbaat njiru, ndax keene a ƭat oo? Ƥoxotangyo a gofornoor nuun njegel nandu neene boo nga ndax xan a sawar na nuun boo a dalnaa a nuun? Keene o Yaal oxe Hupna fop a layu.

Malaki 1:8 Referans Kwoze

A cangatin ale 15:21

A soƥangaa koy ee njegel ne kaa jeg sik, ta laƴaa mbaat ta fuul mbaat nqaraanaq lakas a damin, ba nu sadaxin o Yaal oxe Roog nuun.

Hoose 8:13

Xeet fee Isra’el kaa mbaraa muumeen kaa da sadaxaxam, soo a ñaamaa a tegeƴ ake, ndaa jaɓiim a den, mi o Yaal oxe. Ndiiki koy, wetandooxaam tooñ den too xam xaw a den yaam pakaad den. Xan a nomtoox cook Misira.

Yeremi 14:10

Keeke o Yaal oxe a layu no kaa jofna na xeet feene: «Ii, a coqooyax felu a den, da ƥodax o jaf. Kaa koy, yooniim no keene, mi o Yaal oxe. Wetandooxaam ndiiki tooñ den, too kaam xawaa pakaad den.»

A kim a tedu ke 20:3

Yaasam ta ƴufgitong no mbiñ o tedu nqe, a dimle’tong no kaa xotitna Siyoŋ!

Ke bindeena no xe ne’eena YOB 42:8

Ndiiki koy, mbaaƭyo qoox ɓetuu ƭik fo a suk paal ɓetuu ƭik, nu ndet maa Yob fee o tag es, ƥoxotan a qoox nuun sadax toxel. Xan o tag es Yob a xeɗan a nuun too xam jaɓ a qeƭ um boo xawkiim a nuun a qaw gaci, ke nu layaneeraxama cagu fop oo, ta guutatir fo ke o tag es Yob a fi’na.»

Malaki 1:10

Ke moƴna o leng na nuun a weg begax ke no Mbind Roog ne, ndax nu ngeƥandiidkatee na kasaara fiɗel no sadaxand ole mi. O Yaal oxe Hupna fop kaa tee: Kaa nu soofaam, too sadax ke nu ƥoxotaxam mbeliraam.

Safe le no tuleer AGE 1:1

No hiid o ɗikandeer olaa no maat Daryus fee o maad Persi, no ñaal eetaand ne no nqool ɓetuu fa lengandeer onqe, o Yaal oxe a daawna a Serubabel fee o ƥiy Se’alti’el too a ref gofornoor Yudaa fa Yosuwe fee o ƥiy Yosadak refna o saasadax o maak oxe fa lay um, a reefandin no tuleer Age yee:

Malaki 1:7

Ten refu yee kaa nu ƥoxotaa ñaamel qoolaƭaru no sadaxand ole mi. Kaa nu laamtahinaxam ee: «O Yaal oxe, na xar i nqoolaƭarandtang?» Ten refu, yaa nu nqalaataa yee o sadaxand ole mi, mi o Yaal oxe jaree niwel.