Malaki 1:7 - NQAARIIT NE ROOG

⁷ Ten refu yee kaa nu ƥoxotaa ñaamel qoolaƭaru no sadaxand ole mi. Kaa nu laamtahinaxam ee: «O Yaal oxe, na xar i nqoolaƭarandtang?» Ten refu, yaa nu nqalaataa yee o sadaxand ole mi, mi o Yaal oxe jaree niwel.

Malaki 1:7 Referans Kwoze

Malaki 1:12

Nuun o mat, kaa nu maasandaa gon es, yaa nu nqalaataa yee o sadaxand ole mi, mi o Yaal oxe jaree niwel, too ñaamel kuu ndefna a mbaage o ƥisiid teen.

1 Korint 10:21

Nu mbaagee o mbog fo o Yaal oxe o kaas, soo mbogin fo cini ke. Kaam ee nu mbaagee o ndeer fo o Yaal oxe, soo ndeer fo cini ke.

Malaki 1:8

Boo nu sadaxiidaxama njegel mbuulu, ndax keene faaxa? Kaam ee boo nu ƥoxotiidaxama njegel nqaru mbaat njiru, ndax keene a ƭat oo? Ƥoxotangyo a gofornoor nuun njegel nandu neene boo nga ndax xan a sawar na nuun boo a dalnaa a nuun? Keene o Yaal oxe Hupna fop a layu.

Heseki’el 41:22

O sadaxand ole a teex a fi’it’e, geel um a ref xa noonoong xa tadaq soo o cigdel ole a fi xa noonoong xa ƭaq. Kooñ ke ten, tiƈir ke ten fo xa saax axe ten, a teex a ndeeƭu. O koor oxe a layaxam ee: «A taabul ale refna mbaambir no Yaal oxe yoo.»

A cangatin ale 15:21

A soƥangaa koy ee njegel ne kaa jeg sik, ta laƴaa mbaat ta fuul mbaat nqaraanaq lakas a damin, ba nu sadaxin o Yaal oxe Roog nuun.

A paɗax ale 21:6

Fat a kesanel a mi, mi fee refna Roog den, a mbañ o niwaƭar gon es, yaam den na ƥoxotaxam sadax ke ndoxeena, ndefna ñaamel es, mi o Yaal oxe. A mbara o ngen no tedel boog.

A paɗax ale 2:11

Sadax fa leng faa kesaneena o Yaal oxe waree o jeg poɗaxnir, yaam nu mbaree o ƥoxot dara kaa saqna poɗaxnir mbaat suum ndeer sadax ke na ndoxaneel o Yaal oxe.

A paɗax ale 3:11

Fat o saasadax oxe a dox keene took o sadaxand ole. Ñaamel sadaxte kaa ndoxeena a ndefkaa mbaambir no Yaal oxe.

A paɗax ale 21:8

Fat nu ƭeet o saasadax oxe nen o tedu, yaam ten na ɓoxotaxam ñaamel es, mi fee Roog nuun. Fat nu tedlandin, yaam kaam ted, mi o Yaal oxe na tedlandaa a nuun.

Heseki’el 44:16

Weene xan a ndok no Mbind ne mi, a matiid a taabul ale mi, ndax da njalanaam, too xan a topatoox calel es.

Malaki 1:13

Kaa nu layaa sax ee: «Waafu! Keeke mat o torox oo!», soo nu ngarangaa sibdan. A soƥa fop koy, cegel kaañooru na taamaala mbaat kaa na laƴaa mbaat ciru doŋ nu ƥoxotiidaa. Keene mbug o ndef ke nu sadaxaxam! Jaɓkinum de! Keene o Yaal oxe Hupna fop a layu.