Malaki 1:6 - NQAARIIT NE ROOG

⁶ O ƥiy kaa ci’aa a faap um cer, soo o tag a niwaa o yaal mbind um. Yaaga boog, mi fee faap nuun, xar taxu nu ci’iraam cer? Ndi mi fee o Yaal nuun, xar taxu nu niwiraam? Mi o Yaal oxe Hupna fop na laamtaa a nuun keene, nuun saasadax we na ñawle’aa gon es soo ndamtin ee: «Na xar i ñawle’taa gon of?»

Malaki 1:6 Referans Kwoze

YEGIL MBAAX NE YEESU ne Lik a bindtuuna 6:46

«Xar taxu nu nqoyaxam ee o Yaal oxe, o Yaal oxe, too nu naangee o mbi’aa ke simtuuma?

Esayi 1:2

Asamaan, nan-gilooxi, lanq ke, mbetyo nof nuun, yaam o Yaal oxe na layaa: «Yaraam xa teɓandoong, fi a den maak, ndaa a siiknoora fa mi.

A sutax ale 20:12

Niwi a faap of fa ya of, ndax o xuuɗ kam saax le um ci’kang, mi o Yaal oxe Roog of.

1 Piyeer 1:17

Oxe na hate’kaa wiin we fop, oxuu refna no ke ta fi’na, too jegee camit, kaa nu nqoyan «Faap» kam a qeƭ nuun. Ten taxu koy, ñoowyo no saɗar a Roog, no ngap onqe nu maadkaa o ndefaa na adna fee.

Hoose 12:8

O Yaal oxe kaa tee: «Efrayim, kaa o nand nen o cula Kaakanaan, pokoox no ɓay of balaas fa mbaaxeer. Kaa o fex o naxaa doŋ,

Esayi 64:8

O Yaal oxe, ba o fuux bo ta ɗom, too ba o gen no wetandooxaa tooñ ke in. Koo dami rek ee in fop xeet of i ndefu.

Efees 6:2

«Niwi a faap of fa ya of», refu kebil eetaand ne yoonandteena a tegit:

Xa peƭit axe 30:17

Oxe na xaadnooxaa a faap um, a saganit o nanan ole helna a ya um, a tooq ake na ƈufnand ake xan a yul a kid um, soo xa ñeek axe na canjiik ale a listir a den.

Mace 7:21

«No we na layaxam ee ‹O Yaal oxe! O Yaal oxe!› a jega waa ndokkeerna kam Maat ne na asamaan. Oxe na fi’aa ke Faap es fee na asamaan a bugna soom na rokkaa teen.

Mace 6:9

Yaaga koy, neeke nu mbaru o nqeɗtaa: ‹Faap in fee na asamaan, Yaasam gon of a tedleel!

Xa peƭit axe 30:11

Sabab took no we na salooxaa paap den, too ngidimkee ya ke den.

A cangatin ale 5:16

Niwi a faap of fa ya of, ne heblitoonga o ten, ndax o xuuɗ too ɗaay kam saax le um ci’kang, mi o Yaal oxe Roog of.

A paɗax ale 19:3

Oxuu refna na nuun fat a niw a faap um fa ya um soo a gay bes fee na ñootnax ale. Mi refu o Yaal oxe Roog nuun.

Mark 10:19

Ndax kaa andiro kebil kene: Warkiro o kiin! Seeqkiro! Guuɗkiro! Seede’ankiro o kend of na xa maaƥ! Ba nax o kiin, jang halal um! Niwi a faap of fa ya of!»

Mace 19:19

Niwi a faap of fa ya of! Fat o fex o kend of nen a xoox of sax sax!»

Hoose 4:6

Xeet es owe saŋkooxaa took o ñak-o-and. Feek kaa o deɓ o and ole, xam raxong no calel no saasadax es. Ne weectoona a cangin es, mi Roog of, mi itam neene um weecitkaa xa ƥeef.

Heseki’el 22:26

Saasadax we ten a ƭapa kebil es, a maasand ke tedlanduuma. Mbaagee o njektirand ke tedna fo ke tedaƭarna, andnooree njektir ne no ke xoolna fo ke xoolaƭarna. Kaa muur a kid den, ndax nga’kee pes a ñootnax ke mi, too niwaƭareem a ndeer den.

Yeremi 23:11

O Yaal oxe kaa tee: «Duleer we fo saasadax we sax kaa laawoox. Kam Mbind es sax soƥaam teen kañaan den.

Mace 15:6

yaaga soxla’katee o niw a faap um mbaat a ya um.› Neene nu ñuftaa fa lay fee Roog yaam o mbaax onqe nuun.

Malaki 2:8

Nuun o mat, kaa nu ƭap a ƭat ale, a cangin nuun a ruuxnoor wiin mayu a koƥ. Kaa nu ƭeg ngiɓoor ne hiɓ’uuma fa Lewi, mi o Yaal oxe Hupna fop.

YEGIL MBAAX NE YEESU ne Lik a bindtuuna 10:29

Kaa koy, o koor oxaaga a bug’a o ɓur, too a laamta a Yeesu yee: «An refu o kend es?»

YEGIL MBAAX NE YEESU ne Lik a bindtuuna 6:36

Saqyo yirmande ne Faap nuun a saqitna yirmande.»

Mark 7:10

Moyiis kaa lay ee: ‹Niwi a faap of fa ya of›, a lay itam ee: ‹Oxuu salooxna a faap um mbaat a ya um kaa warel o war.›

Yeremi 31:9

Xan da nomtooxiidaa a loolaa, a nqeɗaa, too xam ɗoxaa a den, ɓakand a den farna fo a ƈufnand foofi ke, da nqot a ƭat a cagu laa da tolofitkeerna, yaam kaam ref faap Isra’el, soo Efrayim a ref taaw es.»

YEGIL MBAAX NE YEESU ne Lik a bindtuuna 18:20

Ndax kaa andiro kebil kene: Seeqkiro! Warkiro o kiin! Guuɗkiro! Seede’ankiro o kend of na xa maaƥ! Niwi a faap of fa ya of!»

Mace 15:4

Roog kaa lay ee: ‹Niwi a faap of fa ya of›, a lay itam ee: ‹Oxuu salooxna a faap um mbaat a ya um, kaa warel o war.›

Hoose 5:1

Nuun saasadax we, nan-gilooxyo kene! Nuun mbind Isra’el, naangyo tek! Nuun mbind ne no maad oxe, ndungyo nof nuun! Nuun o mat ngel’e o layoor, yaam kaa nu ndeeƭu mbog kam Mispa, mbaal letne took o joong ole Taboor

A cangatin ale 1:31

fo na koƥ-a-ƥor alaa. Nu nga’a yee ne faap a meeɓtaa o ƥeem, neene o Yaal oxe Roog nuun a meeɓtu a nuun na ƭat ale nu ñaaƴna, boo neen nu mbadiidu no mbiñ onqene.›

A kim a tedu ke 123:2

Ga’angi, ne a kid ake no dag we a ngaantaa no ɓay no yaal den, ne a kid ake no ceefeer oxe a ngeleerooxtaa no ɓay no yaal um o tew, neene a kid in a ngeleerooxtu farna fo o Yaal oxe Roog in, boo yaa ta yirimkaa a in.

Xa peƭit axe 17:6

Xa taan axe kaa ndef o ndip no nogoy we, paap ke a ndef qaaƴoor na xa ƥiy den.

Esayi 43:23

Ɓoxotiidiraamo paal nen sadax toxel, too niwtiraamo sadax lakas. Seriroong o ɓoxotaam sadax tuufe-duufe, too xijlandtiroong cuuraay.

Yeremi 3:4

Ndiiki koy, saɗaxamo o falaloox ee: ‹Faap es, wo refu xaariit es no ndeƥandoong es.

Yeremi 35:16

Xa taan axe Yoonadab fee o ƥiy Rekab a mbadna kebil ne o taan den a cooxna a den, soo xeet fene o mat a mbañaam o nan-giloox.

Sofoni 3:4

Duleer we ten andee ke warna a den, a ndef goor hoohod, saasadax we ten a nqoolaƭarand ke kesaneena a Roog soo a ƭap kebil um.

Malaki 2:1

O Yaal oxe Hupna fop kaa tee: «Ndiiki koy nuun saasadax we, nuun njegu a maƭax aleeke:

Malaki 2:10

«Ndax in fop i mbogee a Faap fa leng? kaam ee ndax Roog fa leng kut sakee a in? Xar taxu boog i ngore’aƭar a ndeer in, yapatilaa neene ngiɓoor ne Roog fo daan we in?

A cangatin ale 32:6

Xeet fa ƥodaxu too a ñak o and, ndax keene nu ndabidkaa o Yaal oxe? Ndax kaa refee faap nuun fo o saasak nuun? Ndax kaa fi’ee a nuun, a mool a nuun?

Esayi 45:10

Sabab took no xe na layaa a faap um ee: ‹Xar taxu o axaam?› mbaat a ya um ee: ‹Xar taxu o rimaam?› »

Esayi 64:7

Yaag oo toox de, o Yaal oxe, wo refu faap in. Kaa i ndef ƭok ke, soo o ref o maamax oxe. Wo maxu a in, in fop.

Malaki 3:5

O Yaal oxe Hupna fop kaa tee: Mexey garaa, ndax um hate a nuun, too xam ñof o jamb we saɗareeraxama, a ñango’aa mbaat da seeqaa mbaat da ngaañtaa cegeer mbaat da naxaa jaajal we no ndabid den mbaat da toroxandaa ñaaw we fo xa baan axe mbaat da tooñaa xa kataakoon axe.