Malaki 1:3 - NQAARIIT NE ROOG

³ soo fañ a Esawu. Kaam fiitin xa coong axe Esawu, ɓoxot lanq ke ta lam’ina xa ƥox-a-koƥ axe.»

Malaki 1:3 Referans Kwoze

Abjaas 1:10

«Nuun xa taan axe Esawu, xan nu sed ɓot, too xan nu moocandel boo kili yaam ne nu mbariƴna fo xa taan axe Yakoob we fog nuun.

Heseki’el 36:9

Xam topatoox a nuun, geleeroox farna fa nuun. Xan nu nqooxel soo nduufel.

Heseki’el 36:7

Ten taxu keeke layum, mi o Yaal oxe na refkaa boo faw: Daaɓooxaam fo o ɓay es took ee: Qeet ke mbidna a nuun xan a ngadoox den fa qoox den a ben ake den.

Yeremi 51:37

Babilon xan a refat juum kefatin, ngenand xa ƥox-a-koƥ. Xan a refat o njaaxɗataand fo qaadnooxel, too o leng genkatee teen.

Yeremi 49:10

Yaam mi, xam huyit xa taan axe Esawu, weejil xa lunq axe den. Mbaagkatee o ƭas. A qaw ale Esawu xan a mooc. Jegkatee o pog mbaat o kentand oxaa na laykaa yee:

Yeremi 9:11

Oxum o kiin jegu yiif, ndax ta and kene? O Yaal oxe a feeñlangaan o ten, fat a tekit ke taxna saax le a fes a pec, a doxel nen a koƥ-a-ƥor, maa o leng a reefateerna?

Esayi 35:7

Lanq ke na ndoxaa xan a suptoox a mbeel, soo a cur foofi ke a ndaxraa no saax le hoɗomeena. Xan xeet fo xa yiig a sax me xa ƥox-a-koƥ axe a mbondooxoogna.

YEGIL MBAAX NE YEESU ne Lik a bindtuuna 14:26

«Oxuu bugaxama o reefan, too moƴaninum a faap um mbaat a ya um mbaat o teem mbaat xa ƥeem mbaat maag um mbaat xa teɓ um mbaat o ñis um sax, waagkee o ref o taalbe es.

Mberaand 25:23

O Yaal oxe a layaan ee: «Qeet ƭik ndefu no fud of. Xan qeet ƭik ke a nqaajoor yaa da sutoorkaa na wo. Fa leng no qeet keene xan moƴ o jeg doole fa lakas fee, too oxe na eetkeel o rim xan a ɓoxotoox no ƭikandeer oxe.»

Yeremi 49:8

Nuun we ngenna Dedaan, ƈufyo, nquruloox, laqoox kam ee kam luf ke! Yaam mexe ɓisiidaa o njakad took xa taan axe Esawu, waxtu fee da ngadooxkaa a pi den a fada.

Yeremi 49:20

Ten taxu nan-gilooxyo ke o Yaal oxe a yuuɓanna a Edoom, ƭaap ke ta fofanna we ngenna Temaan: A woora yee xan a ƭooqel nen cegel, boo no we moƴna o neew, xa suufand axe den a mbiitnel mbaambir den.

Yeremi 49:33

Hasoor xan a refat ngenand xa ƥox-a-koƥ, a fes a pec boo cay. O leng genkatee teen, o mbindeef o leng dalkatee teen.»

A ƭomatax ake 4:22

Wo Siyoŋ, o ndoog onqe, rabdaa njofaƭar of boo ƴut. O Yaal oxe ɓiskatirang no mbaƭ muk. Wo Edoom, o ndoog onqe mat, xan a xaw njofaƭar of, a hulit pakaad of.

Yeremi 49:7

Ke yegniteena na Edoom. Keeke o Yaal oxe Hupna fop a layu: «Ndax kaa o and jegatee kam Temaan? Ndax kaa xa as axe a ñuf no yaal-o-and we ten, ndax o and den kaa nuk?