Malaki 1:2 - NQAARIIT NE ROOG

² O Yaal oxe kaa tee: «Kaam fex a nuun», soo nu laamtaxam ee: «Na xar fexo a in?» um doon teen ee: «Ndax Esawu reeƭee o maag Yakoob? Yaag oo toox de, kaam fex a Yakoob

Malaki 1:2 Referans Kwoze

Yeremi 31:3

O Yaal oxe a feeñoortaxam koƭu, a lay ee: «Naa moofum kaam fexong, ten taxu um geekanong o mbeq es.

A cangatin ale 10:15

Yaag oo toox de, no daan nuun doŋ o Yaal oxe a damooxu, soo a cinj den nuun we xa taan den a jilu a ndeer qeet ke fop, ne nu nga’tuuna xaye.

A cangatin ale 4:37

Yaam ne ta fex’ina daan nuun taxu ta jil a nuun we xa taan den a cinj den soo a sutit a nuun Misira fa katil fa maak um.

Malaki 2:17

Kaa nu nqijlaa o Yaal oxe na xa ƭelem nuun soo laamtaa yee: «Na xar i nqijlan?» Ten refu, yaa nu layaa yee: «We na mbi’aa paaxeer a mbaaxa na kid no Yaal oxe, too kaa fartaa a den.» mbaat nu ndamtin ee: «Taa Roog fee no cofel ole?»

Yeremi 2:31

Nuun wiin we no suk nene, nan-gilooxyo a paax ke o Yaal oxe a layna: Ndax a koƥ-a-ƥor reeƭum na Isra’el mbaat saax o niɓaan? Xar taxu xeet es a lay ee: ‹In njegu a qoox in, i mbugee o nomtooxiid me wo?›

Yeremi 2:5

O Yaal oxe kaa tee: «Ndi njofaƭar num daan nuun a nga’u na mi boo a tax da ngoƭaam, a ndeefan xa koɓong, boo a ndefat xa koɓong den fa qoox den?

Esayi 43:4

Ne njigand of a maginna na kid es, o jaranaam mayu soo um fexong taxu um ɓoxot wiin lakas na seek of, soo softong qeet lakas.

Mberaand 48:4

Kaa lay’aam ee: ‹Xam ci’ong xa taan xa mayu, ndax um fi’ong o ref o taan xeet fa maak. Saax leeke, xam ci’in xa taan of da njegkin boo faw.›

Mberaand 27:33

Maaga, Isaak a dalfooxa o kafkafin yaam ke ta yegna, a sendaa. A laamta yee: «Yaaga boog, an refu oxe waraniidaxama mbuufuɗag, a ɓisiidaam o ten boo um ñaamin, miñee dara o fadiid? Barke’aanum toox de, too xan a barke.»

Mberaand 25:23

O Yaal oxe a layaan ee: «Qeet ƭik ndefu no fud of. Xan qeet ƭik ke a nqaajoor yaa da sutoorkaa na wo. Fa leng no qeet keene xan moƴ o jeg doole fa lakas fee, too oxe na eetkeel o rim xan a ɓoxotoox no ƭikandeer oxe.»

YEGIL MBAAX NE YEESU ne Lik a bindtuuna 10:29

Kaa koy, o koor oxaaga a bug’a o ɓur, too a laamta a Yeesu yee: «An refu o kend es?»

YEGIL MBAAX NE YEESU ne Saŋ a bindtuuna 15:12

Keeke koy refu kebil es: ‹Mbexrityo, ne fextuuma a nuun.›

A cangatin ale 23:5

Qeet keene nqetooxiid’ee a nuun fo ñaamel fa foofi, ye nu maad’ina o ndefaa na ƭat, cinj a sutax alaa nuun Misira. Kaa ndet’u Petoor kañ kam Mesopotami, a nqoyaniid a nuun a Balam fee o ƥiy Bewoor, a ndabdin ndax ta saloox a nuun.

A cangatin ale 33:3

O Yaal oxe kaa fex xeet um, tedu we ten fop a ndef no ɓay um. Kaa mbod na caf um, a ndaawaa fa lay um.

Esayi 63:1

Ndi an oo o ñaañaaƴ oxeene na inoortiidaa Edoom, a sutoortiidaa Bosra refna teeru fa maak fee, toki ke a yaxig coy? Kaa rokoox sabadoor um, a ñaaƴaa o cok um took soo a hooloox doole um. «Mi fee na layaa cofu yoo soo jeg sañ-sañ o mucil.»

Amos 1:11

Keeke o Yaal oxe a layu: «Felaam o jaf no Ee-edoom we a caf a tadak boo na nahak sax, ta dak no paaxeer. Kaa ndaabaa fog den fo laƥ, yirmande a ñuf na qeeñ den, fuux den a raaɓaa ñaal fo yeng a sax a paƴ na den. Ten taxu o ɓay es ole yoɗooxna waagee ñak o dal:

Mberaand 25:25

O eetaand oxe garna kaa fom’u, cer ke a may wiil nen sabadoor mbi’te a ƥiñ. A ne’aan Esawu.

Mberaand 25:26

Cinj kaaga, o ƭikandeer oxe a gara, o ɓay ole ten a dam o faaɗ ole Esawu, oxaaga a ne’el Yakoob. Isaak a jeg’a xa kiid qarɓeen ɓetuu fa leng ye da ndimeena.

1 Maad we 10:9

O Yaal oxe Roog of a hela o simatel, ten fee feloona boo ta fi’ong o maad Isra’el. Ne o Yaal oxe a fexna a Isra’el boo faw, taxu ta dalnong o maad, ndax o lalit a ƭat fo o cofel.»

2 Maad we 3:8

A laamtaan ee: «A ƭat alum i ndeefkaa?» Yoraam a doonaan ee: «A ƭat ale na koƥ-a-ƥor alaa Edoom.»