Malaki 1:12 - NQAARIIT NE ROOG

¹² Nuun o mat, kaa nu maasandaa gon es, yaa nu nqalaataa yee o sadaxand ole mi, mi o Yaal oxe jaree niwel, too ñaamel kuu ndefna a mbaage o ƥisiid teen.

Malaki 1:12 Referans Kwoze

O leetar ole Pool a bindna GIMU WE NGENNA ROM 2:24

Ten taxu a Pind a Tedu ke a laya yee: «Nuun taxu we ndefeerna Yaawuur a mbenaa gon le Roog.»

Malaki 2:8

Nuun o mat, kaa nu ƭap a ƭat ale, a cangin nuun a ruuxnoor wiin mayu a koƥ. Kaa nu ƭeg ngiɓoor ne hiɓ’uuma fa Lewi, mi o Yaal oxe Hupna fop.

Malaki 1:13

Kaa nu layaa sax ee: «Waafu! Keeke mat o torox oo!», soo nu ngarangaa sibdan. A soƥa fop koy, cegel kaañooru na taamaala mbaat kaa na laƴaa mbaat ciru doŋ nu ƥoxotiidaa. Keene mbug o ndef ke nu sadaxaxam! Jaɓkinum de! Keene o Yaal oxe Hupna fop a layu.

Amos 2:7

Kaa mbi we neewna doole takir, wargal no toroxu da ndakin, a suuraa. Kaam ee, kaa faap fo o ƥeem a nqetaa no toog o leng, a pi den fop a maasandaa gon tedu le mi.

2 Sami’el 12:14

Kaa rek no keene ci’aa fañ we no Yaal oxe o wooƥ olaa da mbentuuna. Ten taxu o ndeɓandoong onqe sogeena o rim xan a xon.»

A paɗax ale 18:21

Wariro o doxan a Molok fee Kaakanaan we a mbi’na roog den o leng na xa ƥeef nen sadax, yaam o fi’angaan, xan o niwaƭar gon es. Mi refu o Yaal oxe Roog of.

Heseki’el 41:22

O sadaxand ole a teex a fi’it’e, geel um a ref xa noonoong xa tadaq soo o cigdel ole a fi xa noonoong xa ƭaq. Kooñ ke ten, tiƈir ke ten fo xa saax axe ten, a teex a ndeeƭu. O koor oxe a layaxam ee: «A taabul ale refna mbaambir no Yaal oxe yoo.»

Heseki’el 44:16

Weene xan a ndok no Mbind ne mi, a matiid a taabul ale mi, ndax da njalanaam, too xan a topatoox calel es.

Hoose 13:9

Wo Isra’el, ke na saŋkang refu yee kaa o siiknoor fa mi, siiknoor fo xe waag’oonga o ƴufig.