Malaki 1:10 - NQAARIIT NE ROOG

¹⁰ Ke moƴna o leng na nuun a weg begax ke no Mbind Roog ne, ndax nu ngeƥandiidkatee na kasaara fiɗel no sadaxand ole mi. O Yaal oxe Hupna fop kaa tee: Kaa nu soofaam, too sadax ke nu ƥoxotaxam mbeliraam.

Malaki 1:10 Referans Kwoze

Mise 3:11

Haahate we den kaa ngate’aa took nger, saasadax we den a njangnaa took ndabid, duleer we den a yegnitaa padafuleer, ndax da njeg xaaliis too a saɗa o ngeƈnoox no Yaal oxe, a lay ee: «O Yaal oxe xey a ndeer in! Paaxeer leng dalkee a in!»

Hoose 5:6

Xan a ndet fo a ked den fo xa siir den, ndax da ƥoxot teen sadax, a mbaaƭik o Yaal oxe, ndaa nga’kiran, yaam kaa riƈatoox a den.

Yeremi 6:20

Xar soxla’um cuuraay faa inoorna Saba fo xeet fa mbelu tuñ laa hatiidna no saax goƭu? Muumeen ke nu ndoxaa took o sadaxand ole mbeliraam, too sadax ke nuun njemiraam.

Yeremi 14:12

A ngoorangaa sax, nan-gilooxkiim a ƈufginax den. A ƥoxotangaam sadax toxel fo sadax tuufe-duufe sax, taxkee da mbelaam, yaam mi xam saŋkit a den laƥ, biim fa piste.»

Yeremi 8:10

«Ten taxu, o Yaal oxe a laya yee: Xam coox rew den wiin jan, xa qol den, um coox a den we na njaɓkaa a den. Yaam no ke xotitna no xe moƴna o neew boo no xe moƴna o maak, fop o njiriiñ a qoox den a mbaaƭaa. No ke xotitna no tuleer oxe boo no saasadax oxe, fop maamaaɓ a ndefu.

Hebre 10:38

Neene koy, oxuu ɗeetuuma nen o cofu, xan a ñoow na pexey o ngim um. Kaa koy, a nomtooxangaa a cinj, sawarkatiim no ten.»

Filip 2:21

Fop, ke faaxna na qoox den rek a mbaaƭaa, a mbañ o mbaaƭ ke jofna na Yeesu Kiristaa.

1 Korint 9:13

Ndax kaa a yiif nuun a naax ee we na ndagooxaa a Roog kam Mbind Roog ne fop, teen a ñoowtaa, we payna no sadaxand ole a ñoowtaa ke ɓoxotiideena no sadaxand ole?

YEGIL MBAAX NE YEESU ne Saŋ a bindtuuna 10:12

O gaylooƥe le andoona yee jegoodee paal ke koy, oxaa ga’aa o moon a garaa, ta ƴuf a xaƴ paal ke, too maaga xan o moon ole a war leng ke, ke yoqna a pasaroox.

Yeremi 6:13

Yaam no ke xotitna no xe moƴna o neew boo no xe moƴna o maak na den, fop o njiriiñ a qoox den a mbaaƭaa. No ke xotitna no tuleer oxe boo no saasadax oxe, fop maamaaɓ a ndefu.

Yeremi 14:10

Keeke o Yaal oxe a layu no kaa jofna na xeet feene: «Ii, a coqooyax felu a den, da ƥodax o jaf. Kaa koy, yooniim no keene, mi o Yaal oxe. Wetandooxaam ndiiki tooñ den, too kaam xawaa pakaad den.»

Malaki 1:13

Kaa nu layaa sax ee: «Waafu! Keeke mat o torox oo!», soo nu ngarangaa sibdan. A soƥa fop koy, cegel kaañooru na taamaala mbaat kaa na laƴaa mbaat ciru doŋ nu ƥoxotiidaa. Keene mbug o ndef ke nu sadaxaxam! Jaɓkinum de! Keene o Yaal oxe Hupna fop a layu.

Malaki 2:12

Fat o Yaal oxe a suqit ndamlooxand fo ke na xoxtaa o koor oxuu fogna na Yakoob soo a fi nandu neene! Baa ta xaƴanin sax o leng oxaa na waagkaa o ɓoxotiid o Yaal oxe Hupna fop sadax!

2 Maad we 12:6

fat o saasadax oxuu refna a xotantin a xoox um no wiin waa ta andna, soo muu o kef a refna no Mbind ne, a xendandel teen.»

Xa peƭit axe 15:8

O Yaal oxe kaa sib sadax ke no soxodu we, a qeƭ no jofu we mat a felin.

Malaki 2:13

Keeke refahinu ke nu mbi’aa: Nuun taxu boo o sadaxand ole no Yaal oxe a may muut fo xa kooniit fo xa lool fo xa iin. Ten taxu yoo ta xuun sadax ke nuun too jaɓkatee dara no ke nu ƥoxotan.»