Mace 9:4 - NQAARIIT NE ROOG

⁴ Kaa koy, Yeesu a anda a qalaat den, too a laya a den ee: «Xar taxu nu njeg a qalaat a paaxeer na yiif nuun?

Mace 9:4 Referans Kwoze

YEGIL MBAAX NE YEESU ne Lik a bindtuuna 6:8

Kaa koy, Yeesu a anda ke refna a qalaat den, too a laya o koor oxaa o ɓay um a xar’ina yee: «Inooxi, geenoox a ndeer den.» Naaga, a inooxa, a geenoox a ndeer den.

Mace 12:25

Yeesu a anda a qalaat den, too a lay a den ee: «Boo we mbogna maat a nqaajoorna a ndeer den, maat naaga waagee o miñ. Boo we mbogna teeru mbaat mbind a nqaajoorna a ndeer den, xan a ngef tuƈ, yaam mbaagkee o ngeenoox.

Mbeeñil 2:23

Kaa jolna keene, xam xawit xa ƥeem fa nqon. Neene, xan pokatax ke no gimu we fop a and ee mi refu oxe na horooxaa a pug fo a qalaat a ƭasu ke no wiin we, too xam ɓoxot o kiin oo kiin ke ta jalna.

YEGIL MBAAX NE YEESU ne Saŋ a bindtuuna 16:30

I andata yee andaa fop, too soxla’iro o kiin a laamtong. Ten taxu itam, i ngima yee na Roog inooro.»

YEGIL MBAAX NE YEESU ne Lik a bindtuuna 11:17

Yeesu a anda a qalaat den, too a laya a den ee: «Boo we mbogna maat a nqaajoorna a ndeer den, maat naaga waagee o miñ. Mbind nuu refna xan a jiƭtoox took ngend um.

A kim a tedu ke 139:2

Um moofangaa mbaat um inoox, andaa. Andaa yuuƥ es yaaga ɗaapafuliim a den sax.

A kim a tedu ke 44:21

Boo i mbeecit’ina gon of, wo fee Roog in, mbaat i letin xa ƥay in a roog fa lakas,

A pi ake 5:9

Piyeer a doonaan ee: «Xar taxu boog nu ngiɓ o ngir, ndax nu nax Yiif le no Yaal oxe? Ga’i, we ngasik’ina o kor of owaay na carind ale, too xan a ƥisong itam.»

YEGIL MBAAX NE YEESU ne Saŋ a bindtuuna 16:19

Yaa Yeesu a andna yee kaa mbaajan o laamit, a laya a den ee: «Xar taxu nu laamtiraa ke layuuma yee: ‹Ɓaatinkee dara, nu nga’katiraam, cinj kaaga, ɓaatinkee dara, nu ndakooxaam o nga›?

YEGIL MBAAX NE YEESU ne Saŋ a bindtuuna 6:64

A jega koy a ndeer nuun waa ngimeerna.» Yeesu no mberaand naa a andit’u we ngimeerna. A and’a itam oxe nar’uuna o ɓoxot.

YEGIL MBAAX NE YEESU ne Saŋ a bindtuuna 6:61

Yaa Yeesu a andanna a xoox um ee daalbe we sax me da ndefna kaa nqaadoox yaam keene, a laya a den ee: «Ca! Tiye kaa bug o ref na nuun a panq?

YEGIL MBAAX NE YEESU ne Saŋ a bindtuuna 21:17

A dakooxa o laamit jaf dadkandeer ee: «Simoŋ, o ƥiy Yoona, ndax fexaxamo?» Maaga, Piyeer a naqadilooxa yaam ke ta laamtuuna boo a caf a tadak ee «Ndax fexaxamo?», too a doonaan ee: «O Yaal oxe, dara kunpa’irang. Andaa xil ee fexaaxoong.» Yeesu a layaan ee: «Topatooxi paal es.

YEGIL MBAAX NE YEESU ne Lik a bindtuuna 5:22

Kaa koy, Yeesu a anda a qalaat den, too a laya a den ee: «Xar taxu nu njeg a qalaat akeene na yiif nuun?

Mark 12:15

Yeesu a anda yememaar naa den, too a doona a den ee: «Xar taxu nu mbogaxam? Ƥisiidaamoo o xanjar o leng boo um ga.»

Mark 2:8

Ndak fo ndak, Yeesu a anda ke da nqalaatoogna, too a laya a den ee: «Xar taxu nu njeg a qalaat a nandu neene na yiif nuun?

YEGIL MBAAX NE YEESU ne Lik a bindtuuna 7:40

Yeesu a laya o Farisiya xaa yee: «Simoŋ, jegaam kaa waroonga o lay.» Simoŋ a doonaan ee. «O Caajangin oxe, layaam o ten!»

Heseki’el 38:10

Keeke layum, mi o Yaal oxe na refkaa boo faw: A koom xan a qalaat a inoor no xeeñ of soo o fof yuuƥ mbaaxeer