Mace 9:2 - NQAARIIT NE ROOG

² Maaga, a ɓisiide o ƥoof oxaa wondneena no njong. Yeesu a ga’a o ngim den, too a laya o ƥoof oxe yee: «Saƭakinooxi, o ƥees, yaam pakaad of a mbaasane.»

Mace 9:2 Referans Kwoze

Mace 9:22

Yeesu a wiƈaqilooxa, too yaa ta ga’uuna a layaan ee: «O ƥees, saƭakinooxi, yaam o ngim of a muclaang.» Na waxtu faaga sax sax o tew oxaaga a wodu.

Saak 2:18

Oxuu na jikooxaa o ngim sang um, o yaal a pi a waaga gar, a layin ee: «Refee kaa o jikooxaa o ngim? Mi koy, a pi a paax saqum. Kaam bug ndiiki o lalaam o ngim of sang um, um laltong o ngim es a pi es.»

A pi ake 19:12

Neene koy, jiru we a ƥisiidooge xa seegit fo a naf akaa nduq’ina cer ke Pool. Maaga, a mbodooga na cir ake da ndefit’ina, too cini ke a sutooxooga na den.

YEGIL MBAAX NE YEESU ne Saŋ a bindtuuna 21:5

Yeesu a laya a den ee: «Xa koor, kaa nu njegee kaa nu ñaamna?» A ndoona yee: «Ha’aa.»

Mace 8:10

A ƭelem akaaga Yeesu a nan’ina a mbet’aan lool, too a laya waa ndeefooguuna yee: «No ndigil, mexe layaa a nuun ee: Isra’el boo Isra’el a xet, mosiim o ga o kiin o cegtu nene o ngim.

Mace 4:24

Gon um a joot’a kam Siri fop, too a ɓisiidooge waa a cir fo xa ƭomel xa pagkatar a ndamna. A jeg’a waa cini a ndamna fo o mbeƭfeƭin fo wiin waa ƥoofna, too a waadna a den.

O leetar ole Pool a bindna GIMU WE NGENNA ROM 5:11

A jega kaa doonooxna no keene itam: Kaa i mbakooxaa na Roog yaam o Yaal in Yeesu Kiristaa fee jofoorandna a in fo ten.

A pi ake 14:9

A nan-gilooxooga ke Pool a layoogna. Maaga, Pool a naagaan jak a kid, too a ga’a yee a jega o ngim onqaa waaguuna o mucil.

YEGIL MBAAX NE YEESU ne Saŋ a bindtuuna 16:33

Kaam lay a nuun keene, ndax nu njegit jam na mi. Xan nu njeg coono maak na adna fee, ndaa koy saƭakinooxyo, yaam mi gartu adna fee took.»

Mace 9:6

Kaa koy, kaam bug nu and ee o Ƥeenqe no kiin oxe a jega sañ-sañ faa ta waasantaa pakaad na adna fee.» Maaga, a laya o ƥoof oxe yee: «Inooxi, jang njong of, too xaad!»

Mace 8:16

No yaar olaa, Yeesu a ɓisiide wiin mayu waa cini a ndamna. A raxa cini ke na pexey fa lay um, too a wodanda waa njir’ina fop.

Esayi 44:22

Fortaam njofaƭar of fop nen eel hurdooxu, forit pakaad of itam nen a liim a samu. Nomtooxiidi me mi, yaam mi watong.

YEGIL MBAAX NE YEESU ne Saŋ a bindtuuna 2:25

Soxla’ee itam o leng a seede’an o kend um, yaam o ten fa xoox um a anda ke refna no kiin oo kiin.

Mark 5:34

Kaa koy, Yeesu a layaan ee: «O ƥees, o ngim of a muclaang. Reti na jam, too jeg o wod-fo-ɓaal no ƭomel of.»

Mark 1:32

No yaar olaa cinj yaa njeeƈ ne a mudna, wiin waa a ƥisiida me Yeesu we njir’ina fop fo we cini a ndam’ina.

O baawaare xe 9:7

Yaaga boog, ñaami ngaaf of fo o ɗaay too yer biiñ of fo o mbelakinax, yaam Roog a jaɓa a pi of boo a ƴut.

Mace 6:12

Waasani a in tooñ ke in, ne i mbaasantaa we tooñna a in,

Mace 9:5

Xar moƴu yooɓ o layel: ‹Pakaad of a mbaasane› ndi lay ee: ‹Inooxi ñaaƴ›?

Mace 14:27

Ndak fo ndak, Yeesu a laya a den ee: «Saƭakinooxyo! Ba nu ndiid! Mi yoo!»

Mark 6:50

Den fop a nga’aan, too a ndiida lool. Ndak fo ndak, Yeesu a laya a den ee: «Saƭakinooxyo! Mi yoo, ba nu ndiid.»

Mark 10:49

Yeesu a geenooxa, too a lay ee: «Nqoyeenoo!» A nqoya o puul oxaa, a layin ee: «Saƭakinooxi, too inoox, oxey a xoyang.»

A pi ake 23:11

Yaa tigaa a yengna, o Yaal oxe a feeñooxa a Pool, a geenoox mbaambir um, too a layin ee: «Saƭakinooxi rek! Ne seede’antaxa­moona kam Yeerusaleem fene, neene o mat o seede’anitkaxam kam teeru faa Rom.»