Mace 8:6 - NQAARIIT NE ROOG

⁶ «O Yaal oxe, o tag es oxaa wondooxa no mbind naa. Kaa ɓoof too a xija lool.»

Mace 8:6 Referans Kwoze

Kolos 4:1

Nuun yaal pind ke, fat nu ñaaƴin o cofel ndeer nuun fo faɗ nuun, let a qeeñ, and ee nuun itam, nu njega o Yaal na asamaan.

Mace 4:24

Gon um a joot’a kam Siri fop, too a ɓisiidooge waa a cir fo xa ƭomel xa pagkatar a ndamna. A jeg’a waa cini a ndamna fo o mbeƭfeƭin fo wiin waa ƥoofna, too a waadna a den.

Kolos 3:11

Jegatee njektir leng ndeer o Keegeres fo o Yaawuur mbaat ndeer o qucooxu fo o haat. Jegatee o yokooxeer, jegatee o kiin o naaku, jegatee o paɗ, jegatee jaambuur: Kiristaa kaa ref fop, a ref no fop.

A pi ake 9:33

A soƥa maaga o ƥoof o ne’e Enee a wondoox took njong boo xa kiid ɓetaa tadaq.

Filemon 1:16

Yaam ndiiki, refatee o paɗ soom, ndaa oxaa hupna o paɗ. O pog of o paax oo na Kiristaa. O pog es o paax oo itam, ndaa a waraan o moƴ o ref na wo, yaam ne nu andirna yaaga, ndoon teen mbogat no Yaal oxe.

1 Timote 6:2

Fat fop we andoona yee yaal pind den a ngima, a mbañ o nqeef yaal den weene, ee yaam a ndamtin na: «Fog i ndefu.» Fat a moƴ o njalan a den sax, yaam ne da ndefna wiin gimu, too a ndefat waa na mbaaƭaa maa da mbi’anitna a den paax. Jangni keene, too maƭin wiin we.

A pi ake 10:7

Yaa malaaka faa layoogna fo ten a retna, Korney a xoya ɗik no dag waa ten fo o qiixire o leng oxaa reeƭna na sañ-sañ um, too a reefoogu a Roog.

A pi ake 8:7

Cini ke kaa sutooroogu no waa njir’ina, a mbuuqaa a maak, too mayu no waa ƥoofna fo no waa lafañna a mbod’a.

Mace 9:2

Maaga, a ɓisiide o ƥoof oxaa wondneena no njong. Yeesu a ga’a o ngim den, too a laya o ƥoof oxe yee: «Saƭakinooxi, o ƥees, yaam pakaad of a mbaasane.»

Mace 8:7

Yeesu a layin ee: «Xam gar wodandin.»