Mace 8:5 - NQAARIIT NE ROOG

⁵ Yaa Yeesu a rokaa kam Kapernawum, o aa-adax no xiixire teemeed a matiidaan too a xeɗin ee:

Mace 8:5 Referans Kwoze

Mace 27:54

Yaa o aa-adax oxaa no xiixire waa fo waa ndeeƭna fo ten, a yetooxaa a Yeesu, a nga’na ne lanq ke a yo’nooritna fo ke xew’ina, a ndiida diid maak. Maaga, a layoogata yee: «O kiin oxeeke reeƭu o Ƥeenqe Roog ndigil!»

A pi ake 27:43

Kaa koy, o aa-adax oxaa no xiixire teemeed waa a bug’a o mucil a Pool, too a fañta a den da mbi pexey naaga. Cinj kaaga, a hebla we mbaagna a beƈ da eet o mbool no foofi le, ndax da ndaaw tambando fee.

A pi ake 27:31

Kaa koy, Pool a laya o aa-adax oxaa fo xiixire waa yee: «Boo wiin weeke a yoqeerna kam a kaal ale, yaaga nu mbaagkee o muc.»

A pi ake 23:17

Maaga, Pool a xoya o leng no waa adooxan’ina xiixire teemeed waa, too a layin ee: «Ɓisi o fes olene maa na kelfa faa, yaam a jega kaa ta waruuna o yegin.»

Mace 4:13

A jangoorta na teeru faa Nasaret, soo a geniid Kapernawum, refna paam o maag olaa, no jegel olaa na carind ale Sabulon fo ale Neftali.

A pi ake 27:13

Kaa koy, miñee dara, yilmaan faa inoorna no ɓemb-roog o ñamaak a wuuɗiida. A saf’a a den ee xan pexey ne den a faax. A qica o iloor ole, soo a lernoox tambando fee no fimb laa Keret.

A pi ake 23:23

Cinj kaaga, kelfa faa a xoya aa-adax ɗik no xiixire waa, too a lay a den ee: «Mbokatyo xiixire teemeed ƭik fo wiin qarɓeen ɓetuu ƭik waa mbaagna o ŋaay pis fo goor teemeed ƭik waa, oxuu refna na den a ɓonooxna a salma. Cinj kaaga, mbaajyo ndet na teeru faa Kesare, farna fo o ƭaan-o-peraand.

A pi ake 22:25

Ye da mbeñuuna boo a mbugin o nqaw, Pool a laya o aa-adax no xiixire teemeed waa geenoox’ina maaga yee: «Ndax jegaa sañ-sañ faa xawtoona oxaa fogna na teeru faa Rom, too hate’afulaand?»

Mark 15:39

Yaa o aa-adax oxaa no xiixire teemeed waa reeƭna mbaambir Yeesu a ga’na naa ta fadnoorit’ina, a laya yee: «O kiin oxeeke reeƭu o Ƥeenqe Roog ndigil.»

Mark 2:1

Na pe akaa ndoonooxna, Yeesu a nomtooxiida na teeru faa Kapernawum, too wiin waa a nana yee oxaa no mbind naa.

Mace 9:1

Yeesu a roka no suk, a gadandoox o maag olaa, soo a gar na teeru um.

Mace 11:23

Wo Kapernawum o mat, ndax xan o yoɗel boo na asamaan? Ha’aa! Xan o fudnel boo kam jaaniif. A pi katil ake mbi’eena me wo a mbi’’ange kam Sodoom, a maadkooga boo xaye.

A pi ake 9:38

Daalbe we ndeeƭna Yope a nana yee Piyeer oxaa Lid, paam Yope. Naaga, a lula wiin ɗik maa Piyeer, ndax da layin ee ta ñof o jaaɓiid a den.